නොරොච්චෝල දින කිහපයකට පද්ධතියට ගන්න බෑ.. විදුලි සැපයුම කළමණාකරණය කරනවා...- NSO නිවේදනයක්

එක් ජනන යන්ත්‍රයක් පද්ධතියෙන් ඉවත්වීම හමුවේ තත්පර 30ක් වැනි ඉතා කෙටි කාලයකදී මුළු දිවයින පුරා සම්පූර්ණ විදුලි බිඳවැටීමක් හටගැනීම සාමාන්‍ය තත්ත්වයක් නොවන බවත්, ඒ පිළිබඳව විධිමත් අභ්‍යන්තර පරීක්ෂණයක් ආරම්භ කර ඇති බවත් ජාතික පද්ධති ක්‍රියාකරු නිවේදනයක් නිකුත් කරමින් ප්‍රකාශ කරයි.

එමෙන්ම මෙම හදිසි බිඳවැටීමත් සමඟ ක්‍රියාත්මක වූ ආරක්ෂිත ක්‍රමවේද හේතුවෙන් නොරොච්චෝලේ ගල් අඟුරු බලාගාරයේ මෙගාවොට් 810ක ධාරිතාව දින කිහිපයකට ජාතික පද්ධතියට අහිමි වන නමුත්, පවතින වැසි සහිත කාලගුණය උපයෝගී කරගනිමින් පාරිභෝගිකයන්ට බාධාවකින් තොරව විදුලි සැපයුම කළමනාකරණය කිරීමට සැලසුම් කර ඇති බවද එම ආයතනය අවධාරණය කරයි.

ජාතික පද්ධති ක්‍රියාකරු නිකුත් කළ නිවේදනයේ සඳහන් වන පරිදි, ඔක්තෝබර් 17 පෙරවරු 11:43 ට පමණ ජාතික විදුලිබල පද්ධතියෙන් එක් ප්‍රධාන ජනන යන්ත්‍රයක් හදිසියේ ඉවත්වීමත් සමඟ පද්ධතිය තුළ බරපතළ අසමතුලිතතාවක් හටගෙන තිබේ. එහි ප්‍රතිඵලයක් ලෙස තත්පර 30කටත් අඩු කාලයක් තුළ මුළු දිවයිනම ආවරණය වන පරිදි පද්ධතිය සම්පූර්ණයෙන්ම ඇණහිටීමට ලක්ව ඇත.

කෙසේ වෙතත්, ඉතා කෙටි වේලාවක් තුළ පද්ධතිය යථා තත්ත්වයට පත්කිරීමේ කටයුතු ආරම්භ කර ඇති අතර, මධ්‍යාහ්න 12:11 වන විට ප්‍රධාන ජල විදුලි බලාගාර පද්ධතියට සම්බන්ධ කරමින් කොටස් හතරක් යටතේ විදුලි සැපයුම සමගාමීව පණගැන්වීමට පියවර ගෙන තිබේ. 

එහිදී පද්ධති පාලන මධ්‍යස්ථානයේ සෘජු පාලනයට නතු නොවන කුඩා විදුලි ජනන ප්‍රභවයන් හේතුවෙන් යළි සම්බන්ධතා ගොඩනැගීමේදී යම් අභියෝගාත්මක තත්ත්වයන් මතුවූ බවද NSO ආයතනය සඳහන් කරයි.

අනතුරුව මධ්‍යාහ්න 12:37 සිට ප්‍රධාන බෙදාහැරීමේ පෝෂක මාර්ග පණගැන්වීම ආරම්භ කර ඇති අතර, පස්වරු 3:00 වන විට දිවයිනේ ප්‍රධාන රෝහල්, ජල පිරිපහදු මධ්‍යස්ථාන සහ ගුවන් තොටුපළ ඇතුළු සියලු අත්‍යාවශ්‍ය සේවාවන් සඳහා විදුලි සැපයුම යළි තහවුරු කර ඇත. පස්වරු 5:00 වන විට දිවයිනේ සියලුම ග්‍රිඩ් උපපොළවලට විදුලි සබඳතාව ලබාදී පාරිභෝගිකයන්ගෙන් අතිමහත් බහුතරයකට පූර්ණ විදුලි සැපයුම ලබාදීමට හැකි වූ බව එම නිවේදනයේ දැක්වේ.

ඕනෑම විදුලි බලාගාරයක ආරක්ෂිත පියවරක් ලෙස මෙහෙයුම් අතරතුරදී කිසියම් ජනන යන්ත්‍රයක් හදිසියේ පද්ධතියෙන් විසන්ධි වීම සාමාන්‍ය කාර්මික තත්ත්වයක් වුවද, එවැනි විසන්ධි වීමක් නිසා සමස්ත ජාතික පද්ධතියම එකවර කඩා වැටීම සාමාන්‍ය සංසිද්ධියක් නොවන බව NSO ආයතනය පෙන්වා දෙයි. එබැවින් මෙම මහා පරිමාණ බිඳවැටීමට මූලික වූ නිශ්චිත සිදුවීම් දාමය සහ ඊට බලපෑ සැබෑ තාක්ෂණික හේතු කඩිනමින් හඳුනාගැනීම සඳහා විශේෂ අභ්‍යන්තර විමර්ශනයක් අරඹා තිබේ.

මේ අතර, හදිසි බිඳවැටීමත් සමඟ ඇතිවන සාමාන්‍ය ආරක්ෂක ක්‍රමවේදයන්ට ලක්වීම හේතුවෙන් නොරොච්චෝලේ ලක්විජය බලාගාරය නැවත ජාතික පද්ධතියට සම්බන්ධ කිරීමට දින කිහිපයක කාලයක් ගතවනු ඇත. මේ හේතුවෙන් මෙගාවොට් 810ක දැවැන්ත ධාරිතාවක් තාවකාලිකව පද්ධතියට අහිමි වුවද, රට තුළ පවතින සක්‍රීය වර්ෂාපතනය හේතුවෙන් ජල විදුලි උත්පාදනය උපරිම මට්ටමින් පවත්වා ගැනීමට හැකියාව ලැබී තිබේ. ඊට අමතරව මේ දිනවල ජාතික පද්ධතියේ පවතින විදුලි ඉල්ලුම සාපේක්ෂව පහළ මට්ටමක පැවතීම නිසා, ඉදිරි දින කිහිපය තුළ පාරිභෝගික ජනතාවට අවම බලපෑමක් වන පරිදි විදුලි සැපයුම නිසි කළමනාකරණයකින් යුතුව පවත්වාගෙන යාමට හැකිවනු ඇතැයි ජාතික පද්ධති ක්‍රියාකරු විශ්වාසය පළ කරයි.

---

Nationwide Power Outage Sparks Internal Investigation

A sudden power outage affecting the entire nation for approximately 30 seconds has raised concerns among authorities, with the National System Operator (NSO) announcing an internal inquiry into the incident. This widespread blackout, triggered by the unexpected disconnection of a primary generating unit, is not considered a routine occurrence.

Despite the outage resulting in the loss of 810 megawatts of capacity from the Norocholai coal power plant for several days, the NSO assured that measures are in place to manage electrical supply effectively, leveraging the prevailing rainy weather conditions to mitigate disruption for consumers.

On October 17 at around 11:43 AM, the national electricity grid experienced a significant imbalance after a key generator abruptly disconnected from the system. This incident culminated in a complete system shutdown across the country for less than 30 seconds.

However, efforts to restore system functionality began swiftly, with power being reintroduced in phases. By 12:11 PM, four units were linked back to the main hydroelectric power grid, allowing for the resumption of electricity supply.

The NSO noted challenges arose during the reconnection phase due to small electric generating units that are not directly controlled by the system operations center. Starting from 12:37 PM, power distribution was gradually restored, and by 3:00 PM, essential services, including major hospitals, water purification centers, and airports, had their electricity supply confirmed. By 5:00 PM, power was fully restored to all grid substations, enabling a considerable majority of consumers to regain access to electricity.

While disconnections of generating units during operations are part of standard practices for safety, the NSO emphasized that a total system failure resulting from such an event is highly unusual. Consequently, an urgent internal investigation has been launched to determine the specific sequence of events and the underlying technical causes behind this unprecedented blackout.

Additionally, due to the protective measures associated with the outage, reconnection of the Norocholai power plant to the national grid will take several days. Although this results in a temporary loss of substantial capacity, the ongoing rains in the country are expected to sustain hydroelectric generation at peak levels. With the current electricity demand remaining relatively low, officials are optimistic about effectively managing supply in a manner that minimizes impact on consumers in the coming days.

*Note: In case of any discrepancy between the Sinhala and English versions, the Sinhala version shall prevail.