වසරේ මුල් මාස නවය (ජනවාරි සිට සැප්තැම්බර් දක්වා) තුළ මෙරට විදේශ ජංගම ගිණුමේ ශේෂය එක්සත් ජනපද ඩොලර් මිලියන 420 ක කැපී පෙනෙන හිඟයක් වාර්තා කර ඇතැයි ශ්‍රී ලංකා මහ බැංකුව පවසයි.
පසුගිය 2025 වසරේ එම කාලසීමාවේදී මෙරට ජංගම ගිණුම තුළ ඩොලර් මිලියන 1,853 ක සැලකිය යුතු අතිරික්තයක් පැවති පසුබිමක, මෙවර එය හිඟයක් දක්වා ආපසු හැරී තිබීම විශේෂත්වයකි.
අපනයන ආදායමේ වර්ධනය අභිබවා ආනයන වියදම් විශාල ලෙස ඉහළ යාම මෙම තත්ත්වයට ප්‍රධානතම හේතුව වී තිබේ. ඊට අමතරව විදේශ ප්‍රේෂණ ලැබීම්වල කැපී පෙනෙන වර්ධනයක් දක්නට ලැබුණ ද, සංචාරක ඉපැයීම් සහ තොරතුරු තාක්ෂණ ක්ෂේත්‍රයේ ආදායම් පහත වැටීම ද ජංගම ගිණුම ඍණ අගයක් ගැනීමට සෘජුව බලපා ඇත.
මහ බැංකු දත්තවලට අනුව, වසරේ මුල් මාස නවය තුළ මෙරට සමස්ත ආනයන වියදම ඩොලර් මිලියන 18,666 ක් දක්වා ඉහළ ගොස් ඇති අතර, එය 2025 වසරේ වාර්තා වූ ඩොලර් මිලියන 15,390 ට සාපේක්ෂව සියයට 21.3 ක සැලකිය යුතු වැඩිවීමකි.
එහෙත් එම කාලසීමාවේදී සමස්ත අපනයන ආදායම සටහන් වූයේ ඩොලර් මිලියන 10,754 ක් වශයෙනි. එය 2025 වසරේ එම කාලයේ වාර්තා වූ ඩොලර් මිලියන 10,215 හා සැසඳීමේදී වර්ධනය වී ඇත්තේ සියයට 5.3 ක මන්දගාමී ප්‍රතිශතයකින් පමණි. ඒ අනුව, 2025 මුල් මාස නවයේදී ඩොලර් මිලියන 5,174 ක්ව පැවති සමස්ත වෙළෙඳ හිඟය මෙවර ඩොලර් මිලියන 7,912 ක් දක්වා සීඝ්‍රයෙන් ප්‍රසාරණය වී තිබේ.
වසරේ ගතවූ මාස නවය තුළ සංචාරක ක්ෂේත්‍රයෙන් ලද ආදායම ඩොලර් මිලියන 2,245 ක් වූ අතර, එය 2025 වසරේ එම කාලයේදී උපයාගත් ඩොලර් මිලියන 2,473 ට සාපේක්ෂව සියයට 9.2 ක පසුබෑමකි.
එමෙන්ම පරිගණක හා තොරතුරු තාක්ෂණ / ව්‍යාපාර ක්‍රියාවලි (IT/BPO) බාහිර සේවා සැපයීම හරහා ලද ආදායම ද ඩොලර් මිලියන 621 සිට ඩොලර් මිලියන 525 දක්වා සියයට 15.5 කින් පහත වැටී ඇත. මේ හේතුවෙන් සේවා ගිණුමේ සමස්ත ලැබීම් ප්‍රමාණය ඩොලර් මිලියන 5,257 ක් දක්වා සියයට 0.6 ක සුළු අඩුවීමක් පෙන්නුම් කරයි.
කෙසේ වෙතත්, විදේශ රැකියා නියුක්තිකයින් මෙරටට එවූ ප්‍රේෂණ ප්‍රමාණයෙහි කැපී පෙනෙන වර්ධනයක් දක්නට ලැබිණි. වසරේ මුල් මාස නවයේදී විදේශ ප්‍රේෂණ ලැබීම් ඩොලර් මිලියන 6,865 ක් ලෙස වාර්තා වූ අතර, එය පසුගිය වසරේ එම කාලයේ වාර්තා වූ ඩොලර් මිලියන 5,812 ට සාපේක්ෂව සියයට 18.1 ක ඉහළ යාමකි.
2026 අගෝස්තු මාසයේදී විදේශ ජංගම ගිණුම තුළ ඩොලර් මිලියන 134 ක අතිරික්තයක් වාර්තා වුව ද, සැප්තැම්බර් මාසයේදී නැවතත් ඩොලර් මිලියන 128 ක හිඟයක් නිර්මාණය වී ඇත. එසේ වුව ද, 2025 සැප්තැම්බර් මාසයේ වාර්තා වූ ඩොලර් මිලියන 194 ක හිඟය සමඟ සසඳන විට මෙම සැප්තැම්බර් මාසයේ හිඟය සාපේක්ෂව අඩු අගයක් ගන්නා බව මහ බැංකුව පෙන්වා දෙයි.
Sri Lanka Experiences Significant Deficit in Foreign Mobile Account Balance
In a troubling update from the Central Bank of Sri Lanka, the nation has recorded a deficit of USD 420 million in its foreign mobile account balance from January to September this year. This stark contrast follows a surplus of USD 1,853 million reported during the same period last year, highlighting a significant shift in the financial landscape.
The sharp increase in import expenditures, outpacing the growth of export revenues, has been cited as a primary factor contributing to this deficit. Although there has been a considerable rise in remittances, other sectors such as tourism and the information technology industry have experienced declines, directly impacting the overall balance.
Data from the Central Bank reveals that total import expenses surged to USD 18,666 million during the first nine months of this year, a notable increase of 21.3% compared to the USD 15,390 million recorded in 2025.
During the same timeframe, export revenue reached USD 10,754 million, reflecting a modest growth of merely 5.3% from USD 10,215 million noted in the previous year. As a result, the trade deficit ballooned from USD 5,174 million in 2025 to USD 7,912 million this year, showcasing a rapid expansion.
Tourism revenues also took a hit, generating USD 2,245 million over the first nine months, which is a 9.2% decline compared to the USD 2,473 million achieved in 2025.
Moreover, income from the IT and BPO sectors has dropped considerably, falling from USD 621 million to USD 525 million, marking a decrease of 15.5%. Consequently, the total earnings from the services account exhibit a slight downward trend to USD 5,257 million, down 0.6% year-on-year.
In contrast, remittances from foreign workers have shown a remarkable rise, with inflows reaching USD 6,865 million during the first nine months, an increase of 18.1% from USD 5,812 million reported last year.
While August 2026 saw a surplus of USD 134 million in the foreign mobile account, a deficit of USD 128 million was recorded in September. This represents an improvement compared to the USD 194 million deficit reported in September 2025, indicating a relative reduction in the financial shortfall.
*Note: In case of any discrepancy between the Sinhala and English versions, the Sinhala version shall prevail.
