බගවන්තලාව මෝරා වතුයායේ පිහිටි වැවිලි පුහුණු මධ්‍යස්ථානයේ
ප්‍රායෝගික වැඩමුළුවක් සදහා පැමිණි සිසුන් පිරිසක් තේ වත්තේ ක්ෂේත්‍ර චාරිකාවක
නියැලි සිටියදී තේ වත්තේ ගසක බැද තිබූ බඹර කූඩුවක බඹරුන් ඇවිස්සී තමන්ට දිගින්
දිගටම ප්‍රහාර එල්ල කල බවයි බඹර ප්‍රහාරයෙන් තුවාල ලබා බගවන්තලව ප්‍රාදේශීය රෝහලේ
නේවාසිකව ප්‍රතිකාර ලබන සිසුන් කියා සිටියේ.
එම පුහුණු මධ්‍යස්ථානයේ පැවැත්වෙන ප්‍රායෝගික වැඩමුළුවක්
සදහා විශ්ව විද්‍යාල කිහිපයක අධ්‍යාපනය ලබන සිසුන් රැසක් මේ දින වල නේවාසිකව නතර
වී එම වැඩමුළුවට සහභාගි වන බවයි පැවසෙන්නේ.
බඹර ප්‍රහාරය සම්බන්ධයෙන් බගවන්තලාව පොලිසිය පරික්ෂණ
පවත්වයි.
රංජිත් රාජපක්ෂ
