සහනාධාරවල බඩුමුට්ටු එපා.. කෑෂ් දෙන්න..- විදේශයන්ට දන්වයි..

 එක්සත් ජාතීන්ගේ සංවිධානය ඇතුළු ඊට අනුබද්ධ පාර්ශ්වකරුවන් එකතුවී මෙරටට ලබාදීමට නියමිත ආධාර මුදල් වශයෙන් ලබා ගෙන, රටේ හානියට පත්ව තිබෙන යටිතල පහසුකම් කඩිනමින් සංවර්ධනය කිරීමට යොදා ගැනීම සම්බන්ධව අත්‍යාවශ්‍ය කොමසාරිස් ජනරාල් කාර්යාලය විසින් විදේශ කටයුතු අමාත්‍යාංශය දැනුවත් කිරීමට කටයුතු යොදා තිබේ.

මෙරටට හදිසි මානුෂික ආධාර ලෙස ඇමරිකානු එක්සත් ජනපද ඩොලර් මිලියන තිස්පහකට වැඩි මුදලක් අවශ්‍ය බව එක්සත් ජාතීන්ගේ මෙරට කාර්යාලයේදී පසුගියදා පැවති සාකච්ඡාවකදී අනාවරණය විය.

මෙහිදී ඇමරිකා එක්සත් ජනපදය, එංගලන්තය, ස්විට්සර්ලන්තය ආදී රටවල් රැසක් මෙරටට සහයෝගය දැක්වීමට එකඟතාවය පළකර තිබේ.

මේ වනවිට මෙරට යටිතල පහසුකම් කඩිනමින් සංවර්ධනය කර ජන ජීවිතය යථා තත්ත්වයට පත්කිරීමේ අවශ්‍යතාව පවතින බැවින්, මානුෂීය ආධාර මුදල් වශයෙන් ලබා ගැනීම සම්බන්ධව අත්‍යාවශ්‍ය සේවා කොමසාරිස් ජනරාල් කාර්යාලය විසින් විදේශ කටයුතු අමාත්‍යාංශය හරහා ලිඛිතව ඉල්ලීමක් කිරීමට කටයුතු යොදා තිබේ.

සාලිය කුමාර ගුණසේකර
Aruna