මෙරට රන් මිල අධික ලෙස ඉහළ මට්ටමක පැවතීමට වත්මන් බදු ප්රතිපත්තිය සෘජුවම බලපා ඇති බව කොළඹදී මාධ්ය හමුවකට එක්වෙමින් පාර්ලිමේන්තු මන්ත්රී රවී කරුණානායක මහතා පෙන්වා දුන්නේය.
අධික බදු බර: මෙරටට රත්රන් ගෙන්වීමේදී වැට් බද්ද ඇතුළු විවිධ බදු වර්ග එකතුවීමෙන් 47% කට ආසන්න ඉහළ පිරිවැයක් දැරීමට සිදුවන බව මන්ත්රීවරයා අනාවරණය කළේය.
සිංගප්පූරුව සහ ඉන්දියාව වැනි අසල්වැසි රටවල පවතින බදු අනුපාතයන්ට සාපේක්ෂව ශ්රී ලංකාවේ බදු ප්රතිශතය අතිශය ඉහළ අගයක් ගන්නා බව ඔහු පෙන්වා දුන්නේය.
මීට පෙර ඉන්දියාවේ ද ඉහළ බදු අගයක් පැවතිය ද, එමගින් සිදුවන රන් ජාවාරම් මැඩලීම සහ වෙළෙඳපොළ ස්ථාවර කිරීම උදෙසා එරට රජය සිය රන් ආනයන බද්ද 6% දක්වා පහත හෙළූ බව කරුණානායක මහතා පැවසිය.
පාරිභෝගිකයාට සහ ව්යාපාරිකයාට අනවශ්ය බරක් නොවී, සාධාරණව ගෙවිය හැකි මට්ටමේ බදු සංශෝධනයක් රන් ආනයනය සඳහා හඳුන්වා දීමට බලධාරීන් වහා මැදිහත් විය යුතු බව මන්ත්රීවරයා වැඩිදුරටත් අවධාරණය කළේය.
රත්තරන් අවුන්සයක් ඩොලර් 5500 වුණාම අපේ රන් භාණ්ඩවල මිල ඉහල යනවා.
ReplyDelete