වත්මන් මහජන ආරක්ෂක අමාත්යාංශ ලේකම්, විශ්රාමික ජ්යෙෂ්ඨ නියෝජ්ය පොලිස්පති රවී සෙනවිරත්න මහතාට අදාළව දැනට පවතින නඩු විභාගයක් ස්ථාන මාරු කිරීමට අභියාචනාධිකරණය ඊයේ (09) පියවර ගත්තේය.
ඒ අනුව, ඉදිරියට එම නඩු කටයුතු ගල්කිස්ස ප්රධාන මහෙස්ත්රාත් අධිකරණය හමුවේ පවත්වන ලෙස නියෝග කෙරිණි.
මෙම නීතිමය ක්රියාමාර්ගයට පාදක වී ඇත්තේ 2023 වසරේදී සිදු වූ රිය අනතුරකි.
අදාළ සිදුවීම සම්බන්ධයෙන් පොලිසිය විසින් රවී සෙනවිරත්න මහතාට එරෙහිව ගල්කිස්ස අතිරේක මහෙස්ත්රාත් අධිකරණයේ නඩුවක් ගොනු කර තිබුණි.
කෙසේ වෙතත්, එම අධිකරණය තුළ තමන්ට අපක්ෂපාතී සහ සාධාරණ නඩු විභාගයක් අපේක්ෂා කළ නොහැකි බව පවසමින් ඔහු අභියාචනාධිකරණයට පෙත්සමක් ඉදිරිපත් කළේය.
මායාදුන්නේ කොරයා සහ මහේන් ගොපල්ලව යන විනිසුරු මඬුල්ල හමුවේ මෙම පෙත්සම සලකා බලන ලදී.
එහිදී නඩුව වෙනත් ස්ථානයකට මාරු කිරීම කෙරෙහි වගඋත්තරකාර පාර්ශවයෙන් කිසිදු විරෝධතාවක් එල්ල නොවීම විශේෂත්වයකි.
පෙත්සම්කරුගේ ඉල්ලීම කෙරෙහි අවධානය යොමු කළ විනිසුරු මඬුල්ල, එතෙක් අතිරේක මහෙස්ත්රාත් අධිකරණයේ විභාග වූ නඩුව වහාම ක්රියාත්මක වන පරිදි ගල්කිස්ස ප්රධාන මහෙස්ත්රාත් අධිකරණය වෙත මාරු කිරීමට අවසර ලබා දුන්නේය.
පසුගිය කාලයේ නීතිපති මාරුකරන්න දැඟලුවේ ඕවට තමයි. ඉස්සෙල්ලා නඩුකාර තුමිය මරුකරා. එත් බැරිනිසා උසාවිය මාරු කරනවා. එත් බැරිනම් උගන්ඩාවේ නඩුදානවා. එත් බැරි උනොත් 88/89 පෙන්නනවා. හැබැයි සේරම නීතියේ ඉරට යටින් (කයිතන්)
ReplyDeleteමේ සියලුම දේ හොඳට සංරක්ෂණය කරලා තියාගන්න. තව පෝය කීපයයි.
ReplyDeleteමුන්ව එච්චර කල්වත් තියාගන්ඩ හොඳ ජාතියක් නෙමේ, ගහල පන්නන්ඩ ඕනෑ.
Delete