ශ්රී ලංකා විදුලිබල ක්ෂේත්රයේ ක්රියාත්මක ප්රතිසංස්කරණ ක්රියාවලිය යටතේ ස්ථාපිත කෙරෙන නව අනුප්රාප්තික සමාගම් වෙත සේවකයින් අනුයුක්ත කිරීමට සමගාමීව, ලංකා විදුලිබල මණ්ඩලයේ (CEB) සියලුම සේවකයින් සඳහා 25% ක වැටුප් වැඩිකිරීමක් ලබාදීමට පියවර ගෙන ඇත.
මෙම වැටුප් වැඩිකිරීම 2025 ජනවාරි 01 වැනිදා සිට බලපැවැත්වෙන පරිදි හිඟ මුදල් සහිතව ලබාදීමට තීරණය කර ඇත.
ආයතනය තුළ දීර්ඝ කාලයක සිට පැවති වැطුප් විෂමතා ඉවත් කිරීම සහ සේවක පාර්ශවයන් විසින් ඉදිරිපත් කරන ලද මූලික ඉල්ලීම් සලකා බැලීම මෙහි ප්රධාන අරමුණයි.
මෙම තීරණයත් සමඟ අදාළ සියලු පාර්ශවයන් අතර සුහද එකඟතාවක් ඇති වී තිබෙන අතර, ආයතනික පරිවර්තන සමයේ සේවකයින් තුළ පැවති අවිනිශ්චිතතාවයන් දුරු කිරීමට ද මෙය හේතු වී ඇති බව නිලධාරීහු පවසති.
විදුලි උත්පාදනය, සම්ප්රේෂණය, බෙදාහැරීම සහ පද්ධති මෙහෙයුම් සඳහා වගකිව යුතු අලුතින් පිහිටුවන ලද සමාගම් වෙත ලංවිම මෙහෙයුම් පවරා දීමේදී, සේවා බලකායේ ස්ථාවරත්වය පවත්වා ගැනීමට මෙම පියවර බෙහෙවින් ඉවහල් වනු ඇතැයි අපේක්ෂා කෙරේ.
ඒව අපිද ගෙවන්න ඕන.
ReplyDeleteඅපෝ නැහැ
Deleteපඩි වැඩි වීමේ මුළු වියදම පැලවත්තෙන් .. ආණ්ඩුවෙන් සතයක් වත් ගෙවන්නේ නැහැ.
විදුලි බිල වැඩි වෙන්නෙත් නැහැ