දිවයිනේ පවතින දැඩි වියළි කාලගුණික තත්ත්වය හේතුවෙන් දෛනික ජල පරිභෝජනය සීඝ්රයෙන් ඉහළ ගොස් ඇති බව ජාතික ජල සම්පාදන හා ජලාපවහන මණ්ඩලයේ සභාපති චන්දන බණ්ඩාර මහතා පවසයි.
මෙම තත්ත්වය තවදුරටත් පැවතුණහොත් ඉදිරියේදී ජලය බෙදා හැරීම සීමා කිරීමට සිදුවිය හැකි බවට ද ඔහු අනතුරු ඇඟවීමක් කළේය.
මාධ්ය වෙත අදහස් දක්වමින් සභාපතිවරයා අවධාරණය කළේ බස්නාහිර පළාතේ, විශේෂයෙන්ම කොළඹ දිස්ත්රික්කයේ ජල පිරිපහදු මධ්යස්ථානවලින් නිකුත් කළ හැකි උපරිම ධාරිතාව ඉක්මවා යමින් පවතින බවයි.
"අඹතලේ පිරිපහදු මධ්යස්ථානයෙන් දිනකට ඝන මීටර් 560,000 ක් සහ ලබුගම මධ්යස්ථානයෙන් ඝන මීටර් 150,000 ක උපරිම ධාරිතාවක් පිරිපහදු කළ හැකියි. දැනටමත් අප මුළු දිවයින පුරාම උපරිම ධාරිතාවයෙන් ජලය නිකුත් කරනවා. නියඟය තවදුරටත් උග්ර වුවහොත් දිනෙන් දින ඉහළ යන ඉල්ලුම සපුරාලීමට අපහසු විය හැකියි," යනුවෙන් ඔහු පැවසීය.
නිවාසවල ජලය භාවිතා කිරීමේදී අරපිරිමැස්මෙන් කටයුතු කරන ලෙසත්, ජලය අපතේ යන අවස්ථා අවම කරන ලෙසත් සභාපතිවරයා මහජනතාවගෙන් ඉල්ලා සිටියි.
එසේ නොවුණහොත් උස් බිම්වල පිහිටි නිවාසවලට සහ නළ මාර්ගයේ අවසාන කෙළවරේ ඇති ප්රදේශවලට අඩු පීඩනයක් යටතේ ජලය සැපයීමට සිදුවන බව ද ඔහු පෙන්වා දුන්නේය.
වියළි කාලගුණයත් සමඟ ගංගා මෝයවල් හරහා ගංගා තුළට ලවණ ජලය කාන්දු වීම ඉහළ ගොස් ඇති බව ද සභාපතිවරයා මෙහිදී අනාවරණය කළේය. වැලි කැණීම වැනි මිනිස් ක්රියාකාරකම් මෙන්ම ලෝක උෂ්ණත්වය ඉහළ යාම ද මෙයට ප්රධාන හේතු වී තිබේ.
මෙම තත්ත්වය පාලනය කිරීම සඳහා සෑම ගංගාවකටම ලවණ බාධක ඉදිකිරීමට සැලසුම් කර ඇති අතර, මේ වන විට කැලණි ගඟ ආශ්රිතව ලවණ බාධකයක් ඉදිකිරීමේ කටයුතු ආරම්භ කර ඇති බව ද චන්දන බණ්ඩාර මහතා වැඩිදුරටත් ප්රකාශ කළේය.
ඔව් ඉතින් පරිස්සමෙන් ජලය පරිහරණය කරන්ඩ, වියළි කාලෙ නේ. අනික තෙත් කාලේ වුණත් ජල මූලාශ්ර අපවිත්ර වෙන විදියේ කටයුතු කරන්ඩ එපා, පොලිතීන් දාන්ඩ එපා, මැහි තෙල් බෝතල් හෝදන්ඩ එපා, හෝටල් වල, රෝහල් වල, අනෙකුත් කර්මාන්ත ශාලා වල අපද්රව්ය ජලාශ වලට හරවන්ඩ එපා, ඒ ජල මූලාශ්ර හා ජලාශ පවිත්රව තියා ගන්ඩ. ආණ්ඩුව තොපේ නෙවේ කියලා වතුර විනාශ කරන්ඩ එපා.
ReplyDelete