හිස්බුල්ලා සංවිධානයේ තර්ජන මැඩපැවැත්වීම සඳහා දකුණු ලෙබනනයේ කොටස් අත්පත් කර ගැනීමට ඊශ්රායල හමුදාව කටයුතු කරන බව එරට ආරක්ෂක අමාත්ය ඉශ්රායෙල් කැට්ස් ප්රකාශ කර ඇත.
මෙම මෙහෙයුම හේතුවෙන් ලක්ෂ සංඛ්යාත ජනතාවකට සිය නිවෙස් අහිමි වනු ඇති අතර සිවිල් යටිතල පහසුකම් විනාශ වීමේ අවදානමක් පවතින බවද ඔහු වැඩිදුරටත් සඳහන් කළේය.
ආරක්ෂක අමාත්යවරයාට අනුව, ඊශ්රායල ආරක්ෂක බලකාය (IDF) දකුණු ලෙබනනයේ ලිටානි නදිය දක්වා වූ ප්රදේශයේ පාලනය නතු කර ගැනීමට සැලසුම් කර ඇත.
"ත්රස්තවාදය සහ මිසයිල පවතින ඕනෑම තැනක නිවාස හෝ පදිංචිකරුවන් නොසිටිනු ඇත; එහි පාලනය ඊශ්රායල හමුදාව සතු වනු ඇත" යන්න මෙහි මූලධර්මය බව කැට්ස් අවධාරණය කළේය.
පසුගිය පෙබරවාරි 28 වන දින ඉරාන උත්තරීතර නායක අලි කමේනි ඝාතනය කිරීමට ප්රතිචාර වශයෙන් හිස්බුල්ලා සංවිධානය ඊශ්රායලයට ප්රහාර එල්ල කළ අතර, ඊට පිළිතුරු ලෙස මාර්තු මස මුල සිට ඊශ්රායලය මෙම හමුදා මෙහෙයුම් ආරම්භ කළේය.
ප්රංශ ජනාධිපති එමානුවෙල් මැක්රොන් මෙම ප්රහාර හෙළා දකිමින් ප්රකාශ කර ඇත්තේ මෙවැනි ක්රියාමාර්ග මීට පෙරද අසාර්ථක වී ඇති බවයි. මේ අතර, හිස්බුල්ලා සංවිධානය මෙය තමන්ට එල්ල වූ පැවැත්ම පිළිබඳ තර්ජනයක් ලෙස හඳුන්වමින් ඊට එරෙහිව සටන් කරන බව ප්රකාශ කර ඇත.
ඊශ්රායල මුදල් අමාත්යවරයා විසින් දකුණු ලෙබනනය ඊශ්රායලයට ඈඳාගත යුතු බවට කළ ප්රකාශයෙන් පසු ආරක්ෂක අමාත්යවරයාගේ මෙම නිවේදනය නිකුත් වීම විශේෂත්වයකි.
ඒකට අපේ එකා. තියෙන ටිකත් ඉන්දියාවට දෙනවා.
ReplyDelete