ගෝලීය ඉන්ධන සැපයුමට එල්ල වී ඇති බාධා සහ ඉන්ධන මිල ඉහළ යාම හමුවේ සිය පුරවැසියන්ට සහන සැලසීම සඳහා ඔස්ට්රේලියාවේ ප්රාන්ත දෙකක් තාවකාලිකව නොමිලේ පොදු ප්රවාහන පහසුකම් ලබාදීමට තීරණය කර ඇත.
ඒ අනුව, වික්ටෝරියා ප්රාන්ත රජය නිවේදනයක් නිකුත් කරමින් සඳහන් කළේ ලබන මාර්තු 31 වැනිදා සිට මාසයක කාලයක් සඳහා ප්රාන්තය පුරා පොදු ප්රවාහනය වෙනුවෙන් ගාස්තු අය නොකරන බවයි. මීට අමතරව, ටැස්මේනියාව ද මාර්තු 30 සිට ජූලි 1 වැනිදා දක්වා බස් රථ සහ තොටුපළ සේවා සම්පූර්ණයෙන්ම ගාස්තුවලින් නිදහස් කිරීමට පියවර ගෙන තිබේ.
මේ වන විට ඔස්ට්රේලියාවේ පිරවුම්හල් සිය ගණනක ඉන්ධන හිඟයක් පවතින බව වාර්තා වන අතර, කෘෂිකාර්මික හා පතල් ක්ෂේත්රවල ප්රවාහන කටයුතුවලට ද ඉන් දැඩි බලපෑම් එල්ල වී ඇත. කෙසේ වෙතත්, එරට අග්රාමාත්ය ඇන්තනි ඇල්බනීස් ප්රකාශ කළේ කෙටි කාලීන ඉන්ධන සැපයුම සම්බන්ධයෙන් බියක් ඇති කරගත යුතු නොමැති බවයි.
ඉන්ධන මිල ඉහළ යාම එරට උද්ධමනය පාලනය කිරීමට ද දැඩි බාධාවක් වී ඇත. මේ හේතුවෙන් ඔස්ට්රේලියානු මහ බැංකුව පසුගියදා සිය මූලික පොලී අනුපාතය 4.1% දක්වා ඉහළ නැංවූ අතර, 2026 වසර තුළ තවත් දෙවරක් පොලී අනුපාත ඉහළ දැමීමට සිදුවනු ඇති බවට ආර්ථික විශ්ලේෂකයෝ අනාවැකි පළ කරති.
ඉන්ධන සුරක්ෂිතතාව තහවුරු කිරීම වෙනුවෙන් පෞද්ගලික අංශය ජාත්යන්තර වෙළඳපොළෙන් සිදුකරන ඉන්ධන මිලදී ගැනීම් සඳහා රජයේ ඇපකර ලබාදීම ඇතුළු නව යෝජනා කිහිපයක් මාර්තු 30 වැනිදා එරට පාර්ලිමේන්තුවට ඉදිරිපත් කිරීමට නියමිතය.
ඒ වුනාට සිරි ලංකාවේ මෙහෙමයි
ReplyDeleteමෙවා අපෙ රජයෙ අවදානයට යොමු නොවෙන්නෙ ඇයි... ? කො අර විට්ස් එක අඩුවට දෙනවා කිව්වා, ඒක නැති උනත්, කො අපිට පොදු ප්රවාහනයට කරපු දෙයක්. බිල්ඩින් හද හද ඉදල වැඩක් නැ. කොච්චි බස් වලින් මුලින්ම හොද සේවයක් ලබා දිය යුතුයි.
ReplyDeleteඅන්න හොඳ වෙලාව ඕස්ට්රේලියාවට ගිහින් එන්න. මාසයක්ම බස්වල රවුම් ගහන්න පුළුවන්!
ReplyDelete