ඉරාන වරායන් ඉලක්ක කරගනිමින් ඇමරිකා එක්සත් ජනපදය පනවා ඇති නාවික අවහිරතාවය හේතුවෙන්, දැනටමත් පීඩනයට පත්ව ඇති ගෝලීය ආර්ථිකය කෙරෙහි නව මූල්ය පීඩනයක් එල්ල වී ඇති බව ජාත්යන්තර මූල්ය අරමුදල ප්රකාශ කරයි.
ජනාධිපති ඩොනල්ඩ් ට්රම්ප් විසින් ක්රියාත්මක කරන ලද මෙම හමුදාමය අවහිරතාවය හරහා ඉරාන ආර්ථිකය මාරක හිරවීමකට ලක්ව ඇති බවත්, අපනයනය කිරීමට නොහැකි වීමෙන් ඉරානයේ තෙල් ගබඩා කිරීමේ ධාරිතාව ඉක්මවා ගොස් එරට ආර්ථිකය සම්පූර්ණයෙන්ම අඩපණ විය හැකි බවත් පෙන්වා දී ඇත.
වොෂින්ටන් නුවර පැවති සිය වසන්ත හමුවේදී ජාත්යන්තර මූල්ය අරමුදල සඳහන් කළේ, මැදපෙරදිග යුදමය තත්ත්වය හේතුවෙන් ගෝලීය ආර්ථික වර්ධන වේගය පිළිබඳ අපේක්ෂාවන් කප්පාදු කිරීමට සිදුව ඇති බවයි.
2029 වන විට ලෝකයේ සමස්ත ණය ප්රමාණය ගෝලීය දළ දේශීය නිෂ්පාදිතයෙන් (GDP) 100% දක්වා ඉහළ යනු ඇතැයි පුරෝකථනය කර ඇත. මෙම මූල්ය පීඩනයේ බලපෑම ලෝකයේ විවිධ කලාපවලට විවිධ මට්ටමින් බලපාන බව එම සංවිධානය වැඩිදුරටත් සඳහන් කරයි.
ඉරාන තෙල් මිලදී ගන්නා ප්රධානතම රට චීනය වන අතර, ඔවුන්ගේ දේශීය තෙල් අවශ්යතාවයෙන් තුනෙන් එකක් සපුරා ගනු ලබන්නේ ඉරානයෙනි. මෙම නාවික අවහිරතාවය දිගින් දිගටම පැවතුණහොත් ලොව දෙවන විශාලතම ආර්ථිකය හිමි චීනය දැඩි අර්බුදයකට මුහුණ දෙනු ඇත.
මෙම තත්ත්වය හමුවේ බීජිං නුවරදී අදහස් දක්වමින් රුසියානු විදේශ අමාත්ය සර්ජි ලැව්රොව් මහතා කියා සිටියේ, චීනය ඇතුළු මිත්ර රටවලට අවශ්ය බලශක්ති සම්පත් හිඟය පියවීමට රුසියාව සූදානම් බවයි.
"සාධාරණ සහ අන්යෝන්ය වශයෙන් වාසිදායක ලෙස අප සමඟ කටයුතු කිරීමට කැමති සියලුම රටවල් වෙනුවෙන් රුසියාවට මෙම සම්පත් හිඟය පියවීමට නිසැකවම හැකියාව පවතිනවා," යැයි ලැව්රොව් මහතා පැවසීය.
