වාහන අංකය වෙනුවට තමන්ගේ නම..

වාහන අංක තහඩු සඳහා දැනට භාවිත වන ඉංග්‍රීසි අකුරු වෙනුවට අදාළ පුද්ගලයාගේ නම සඳහන් කිරීමේ නව ක්‍රමවේදයක් හඳුන්වා දීමට මෝටර් රථ ප්‍රවාහන දෙපාර්තමේන්තුව පියවර ගනිමින් සිටී.

මෝටර් රථ ප්‍රවාහන කොමසාරිස් දෙපාර්තමේන්තුවේ නිලධාරිනියක විසින් රජයේ මුදල් පිළිබඳ පාර්ලිමේන්තු කාරක සභාවට පසුගියදා මේ පිළිබඳව දැනුම් දෙන ලදී.

ලෝකයේ බොහෝ රටවල දැනටමත් මෙවැනි ක්‍රමවේදයන් සාර්ථකව ක්‍රියාත්මක වේ.

ඉදිරියෙන් ඇති විශේෂිත අංක (අංක ලක්ෂයකට වඩා අඩු) ලබාදීම මගින් මෝටර් රථ ප්‍රවාහන දෙපාර්තමේන්තුව රුපියල් කෝටි 118 ක පමණ ආදායමක් උපයා ඇත.

එවැනි විශේෂිත අංකයක් ලබාදීම සඳහා රුපියල් ලක්ෂ දහයක මුදලක් අය කරනු ලැබේ.

පසුගිය වසර තුනක කාලය පුරා මෙම මුදල් අය කිරීම් සිදු කර ඇත්තේ නිල ගැසට් නිවේදනයකින් තොරව වුවද, විශේෂිත අංක ලබාදීම සඳහා මුදල් අය කිරීමේ වැඩපිළිවෙළට පාර්ලිමේන්තු මුදල් කාරක සභාව මේ වන විට අනුමැතිය ලබා දී ඇත