ලෝකයේ තෙල් සහ ස්වභාවික වායූ සැපයුමෙන් පහෙන් පංගුවක් පමණ හුවමාරු වන හෝමූස් සමුද්ර සන්ධිය වහාම විවෘත කරන ලෙස අමෙරිකානු ජනාධිපති ඩොනල්ඩ් ට්රම්ප් ඉරානයට දැඩි ලෙස අනතුරු අඟවා තිබේ.
පසුගිය සති පහක කාලය පුරා ක්රියාත්මක යුදමය තත්ත්වය හේතුවෙන් මෙම මුහුදු මාර්ගය මුළුමනින්ම පාහේ අවහිර වී පවතී.
තම 'Truth Social' සමාජ මාධ්ය ජාලය ඔස්සේ දැඩි අසභ්ය වචන භාවිත කරමින් පණිවුඩයක් නිකුත් කළ ජනාධිපතිවරයා, ඉරානයේ බලශක්ති සහ ප්රවාහන යටිතල පහසුකම් ඉලක්ක කර ගනිමින් ඉදිරි අඟහරුවාදා දිනයේදී දැවැන්ත ප්රහාර එල්ල කරන බවට තර්ජනය කර ඇත. ජාත්යන්තර නීතිය උල්ලංඝනය වන බවට විචාරකයින් පෙන්වා දුන්නද, ඉරානය සමුද්ර සන්ධිය විවෘත නොකළහොත් ඔවුන්ට දරුණු ප්රතිවිපාකවලට මුහුණ දීමට සිදුවන බව ට්රම්ප් එහිදී අවධාරණය කර තිබේ.
මේ අතර යුද හානි වෙනුවෙන් නිසි වන්දි මුදලක් ලැබෙන තෙක් හෝමූස් සමුද්ර සන්ධිය යළි විවෘත කිරීමට ඉරානය පියවර නොගන්නා බව ඉරාන ජනාධිපති කාර්යාලයේ සන්නිවේදන නියෝජ්ය ප්රධානී සෙයියඩ් මෙහ්දි තබතබායි ප්රකාශ කරයි.
ගමනාගමන ගාස්තු මත පදනම් වූ "නව නීතිමය ක්රමවේදයක්" ඔස්සේ මෙම වන්දි මුදල් ගෙවිය යුතු බව ඉරාන රජයේ ස්ථාවරය වී තිබේ.
හෝමූස් සමුද්ර සන්ධිය වසා දැමීමට එරෙහිව ඉරානයේ සිවිල් යටිතල පහසුකම් වෙත ප්රහාර එල්ල කරන බවට අමෙරිකානු ජනාධිපති ඩොනල්ඩ් ට්රම්ප් විසින් සිදුකරන ලද ප්රකාශය ද තබතබායි දැඩි දෝෂදර්ශනයට ලක් කර ඇත.
සමාජ මාධ්ය සටහනක් තබමින් ඔහු පෙන්වා දෙන්නේ, ජනාධිපති ට්රම්ප්ගේ මෙම තර්ජනාත්මක ප්රකාශයන් "පරම අසරණභාවය සහ දැඩි කෝපය හේතුවෙන් සිදුකරන ලද අසභ්ය හා අර්ථ විරහිත ප්රකාශ" බවයි.
මේ අතර, සෙනසුරාදා ඉරානයේ ප්රධාන පෙට්රෝ රසායන මධ්යස්ථානයකට ප්රහාර එල්ල කළ ඊශ්රායලය, ලබන සතියේදී එරට බලශක්ති පද්ධති ඉලක්ක කර තවදුරටත් ප්රහාර එල්ල කිරීමට සූදානමින් සිටින බව වාර්තා වේ. ඒ සඳහා අමෙරිකාවේ අනුමැතිය අපේක්ෂාවෙන් පසුවන බව ඊශ්රායල ආරක්ෂක අංශයේ ජ්යෙෂ්ඨ නිලධාරියෙක් ප්රකාශ කර ඇත.
කෙසේ වෙතත්, ලෝක මූල්ය වෙළඳපොළ සහ දේශපාලන විචාරකයින් මවිතයට පත් කරමින් ජනාධිපති ට්රම්ප් පරස්පර අදහස් ද පළ කරමින් සිටී. ඉරිදා දින ෆොක්ස් නිව්ස් නාලිකාව සමඟ පැවැති සම්මුඛ සාකච්ඡාවකදී ඔහු ප්රකාශ කළේ ඉරානය මේ වන විටත් සාකච්ඡා මාර්ගයට අවතීර්ණ වී ඇති බවත්, සඳුදා දිනය වන විට කිසියම් එකඟතාවකට පැමිණීමට අවස්ථාව පවතින බවත්ය.
ලෝකයේ බලශක්ති සැපයුම සම්බන්ධයෙන් තීරණාත්මක මුහුදු මාර්ගයක් වන හෝමූස් සමුද්ර සන්ධිය වසා දැමීම හේතුවෙන් මේ වන විට ජාත්යන්තර දේශපාලන හා ආර්ථික ක්ෂේත්රය තුළ දැඩි උණුසුම්කාරී තත්ත්වයක් නිර්මාණය වී තිබේ.
ට්රම්ප් සහ මර්වින් සිල්වා ඉපදිලා තියෙන්නෙ එකම නැකතට.
ReplyDeleteට්රම්ප් කියන්නෙ නූගත් වසල කාලකණ්නි පකයෙක්. ඕකා ලෝකෙම විනාස කොරන්නයි දත කන්නෙ.
ReplyDelete