ඇමරිකානු ජනාධිපති ඩොනල්ඩ් ට්රම්ප් විසින් ශුද්ධෝත්තම 14 වන ලියෝ පාප් වහන්සේ වෙත අසාමාන්ය සහ දැඩි ප්රහාරයක් එල්ල කර ඇති අතර, එහිදී ඔහු පාප් වහන්සේ “දුර්වල” සහ “භයානක” පුද්ගලයෙකු ලෙස හඳුන්වා දී ඇත.
ඇමරිකාවේ උපන් මෙම කතෝලික සභා නායකයා තම කාර්යභාරය නිසි ලෙස ඉටු නොකරන බවත්, ඔහු “අතිශය ලිබරල් පුද්ගලයෙකු” බවත් ජනාධිපතිවරයා පවසා තිබේ.
පසුගිය ඉරිදා රාත්රියේ සිය සමාජ මාධ්ය ගිණුමේ සටහනක් තබමින් සහ මාධ්යවේදීන් හමුවේ අදහස් දක්වමින් ට්රම්ප් ප්රකාශ කළේ, පාප් වහන්සේ “අන්ත වාමවාදීන්ට” (Radical Left) අනුකූල වීම නතර කළ යුතු බවයි. ඉරානය සමඟ පවතින යුදමය වාතාවරණය හමුවේ ඇමරිකාවේ ක්රියාකලාපය විවේචනය කරමින් පාප් වහන්සේ සිදුකළ ප්රකාශයක් මෙම දැඩි ප්රතිචාරයට හේතු වී ඇත.
“පාප් වහන්සේ අපරාධ සම්බන්ධයෙන් දුර්වල ප්රතිපත්තියක් අනුගමනය කරන අතර විදේශ ප්රතිපත්තිය සම්බන්ධයෙන් ඉතා අසාර්ථකයි” යනුවෙන් ට්රම්ප් සඳහන් කර ඇත.
එසේම, ඉරානය සතුව න්යෂ්ටික අවි පැවතීම පිළිබඳව පාප් වහන්සේ දරන ස්ථාවරය සහ වෙනිසියුලාවට එරෙහිව ඇමරිකාව ගත් ක්රියාමාර්ග විවේචනය කිරීම පිළිබඳවද ජනාධිපතිවරයා සිය දැඩි අකමැත්ත පළ කර තිබේ.
මෙහිදී වඩාත් විශේෂ කරුණක් වූයේ පාප් වහන්සේ එම ධුරයට පත්වීම පිළිබඳව ට්රම්ප් කළ ප්රකාශයයි.
14 වන ලියෝ පාප් වහන්සේට එම ධුරය ලැබුණේ ඔහු ඇමරිකානුවෙකු වූ නිසා බවත්, එය ජනාධිපති ඩොනල්ඩ් ට්රම්ප් සමඟ ගනුදෙනු කිරීමට වතිකානය ගත් උපාය මාර්ගයක් බවත් ඔහු පවසා ඇත.
“මා ධවල මන්දිරයේ නොසිටියේ නම්, ලියෝ වතිකානුවේ නොසිටිනු ඇත” යනුවෙන්ද ජනාධිපතිවරයා වැඩිදුරටත් අවධාරණය කළේය.
මෙම විවේචන මධ්යයේ වුවද, 2024 මැතිවරණයේදී ට්රම්ප් කතෝලික ඡන්දදායකයින්ගෙන් 55% ක ප්රතිශතයක් දිනා ගැනීමට සමත් විය. කෙසේ වෙතත්, පාප් වහන්සේ මීට පෙර ප්රකාශ කර ඇත්තේ දෙවියන් වහන්සේ යුද්ධ කරන අයගේ යාච්ඤාවලට සවන් නොදෙන බවත්, එවැනි අයගේ දෑත් ලේවලින් පිරී පවතින බවත්ය.
ඇමරිකානු ජනාධිපතිවරයෙකු මෙලෙස පාප් වහන්සේට එරෙහිව සෘජු ප්රහාරයක් එල්ල කිරීම අතිශය දුර්ලභ සිදුවීමක් ලෙස සැලකේ
ට්රම්ප් කියන්නෙත් බලාගෙන ගියහම අපේ කාන්තිලාල් ඇමති තුමාගෙ ගෝලයෙක්නෙ. ආඩම්බර නැද්ද හා.
ReplyDeleteලංකාවෙත් ඒ වගේද?
ReplyDeleteට්රම්ප් පකයා හිතං ඉන්නෙ ඌ දෙවියන්වහන්සේ කියල
ReplyDeleteට්රම්ප් පිස්සු උට්ටෙක්.
ReplyDeleteමා යූ ටියුබ් නොකළා නම් ඔබ ජනාධිපති නොවේ
ReplyDelete