උද්ධමනය නගී.. ප‍්‍රවාහන උද්මනය හතර ගුණයකින් ඉහලට..

ජනලේඛන හා සංඛ්‍යාලේඛන දෙපාර්තමේන්තුව විසින් 2026 මාර්තු මාසය සඳහා වන නවතම ජාතික පාරිභෝගික මිල දර්ශකය (NCPI) ප්‍රකාශයට පත් කර ඇත. 

එම වාර්තාවට අනුව, 2026 පෙබරවාරි මාසයේ 1.6% ක් ලෙස පැවති මෙරට මතුපිට උද්ධමනය මාර්තු මාසය වන විට 2.4% දක්වා ඉහළ ගොස් තිබේ.

ඛාණ්ඩ අනුව උද්ධමන විචලනයපසුගිය පෙබරවාරි මාසයට සාපේක්ෂව මාර්තු මාසයේදී විවිධ භාණ්ඩ හා සේවා කාණ්ඩයන්හි ලක්ෂ්‍යමය උද්ධමන අනුපාතයන්හි කැපී පෙනෙන වෙනස්කම් කිහිපයක් දක්නට ලැබුණි.

පෙබරවාරි මාසයේ ඍණ අගයක් (-1.7%) ගත් ප්‍රවාහන අංශයේ උද්ධමනය මාර්තු මාසයේදී 4.9% දක්වා සැලකිය යුතු ලෙස ඉහළ ගොස් ඇත.

නිතර මිල වෙනස් වන ආහාර, බලශක්ති සහ ප්‍රවාහන වියදම් ඉවත් කර ගණනය කරනු ලබන මූලික උද්ධමනය (Core Inflation) ද මාර්තු මාසයේදී 2.7% ක් ලෙස සටහන් විය.

2026 පෙබරවාරි මාසයේ 209.4 ක් වූ ජාතික පාරිභෝගික මිල දර්ශකය මාර්තු මාසයේදී 210.9 දක්වා ඉහළ ගොස් තිබේ.

මෙම දත්තයන්ට අනුව මාසික උද්ධමන වෙනස් වීම සඳහා ආහාර කාණ්ඩය මගින් -0.27% ක දායකත්වයක් සහ ආහාර නොවන කාණ්ඩය මගින් 0.99% ක දායකත්වයක් ලැබී ඇති බව ජනලේඛන හා සංඛ්‍යාලේඛන දෙපාර්තමේන්තුව වැඩිදුරටත් සඳහන් කරයි.