දින­කට අලුත් ­වා­හන 1,826ක් මහ­පා­රට

 දින­කට අලු­තින් රථවාහන 1,826ක් මහා­මා­ර්ග­යට එකතු වන අතර එයින් 1,213ක් යතු­රු­පැදි වන අතර, මෝටර් රථ 386ක් දින­කට ලියා­ප­දිං­චිය සිදු වේ. ඒ අනුව සාමාන්‍ය වැඩ කරන වේලාව සලකා බැලුව හොත් පැය­කට යතුරුපැදි 210කට අධික සංඛ්‍යා­වක් ලියා­ප­දිංචි කරනු ලබන අතර, මෝටර් රථ 67ක් පමණ පැයක කාල­යක් තුළ අලු­තින් ලියා­ප­දිංචි කැරේ.

එමෙන්ම, මෙරට ඉති­හා­ස­ගත වාර්තා­වක් ලෙසින් එක් මාස­යක් තුළ වැඩිම විදුලි රථ­වා­හන ලියා­ප­දිංචි කර ඇත්තේ පසු­ගිය මාර්තු මාස­යේ­දීය. මාර්තු මස තුළ පම­ණක් අලු­තින් ලියා­ප­දිංචි කර ඇති විදුලි වාහන සංඛ්‍යාව 8,124 කි. ඒ අනුව, රාජ­කාරි දින­කට ආසන්න වශ­යෙන් විදුලි වාහන 370ක් අලු­තින් ලියා­ප­දිංචි කර තිබේ.

මේ වසරේ පළමු මාස 3 තුළ පම­ණක් ලියා­ප­දිංචි කර ඇති විදුලි වාහන සංඛ්‍යාව 15,488කි. එයින් වැඩිම වාහන අලු­තින් ලියා­ප­දිංචි කර ඇත්තේද පසු­ගිය මාර්තු­වේ­දීය. එමෙන්ම මේ වසර තුළදී වැඩිම වාහන අලු­තින් ලියා­ප­දිංචි කර ඇත්තේද පසු­ගිය මාර්තු මාස­යේ­දීය. මේ සංඛ්‍යාව 57,518කි. එහිදී ජන­වාරි මාස­යේදී රථ වාහන 55,237ක්ද පෙබ­ර­වා­යේදී රථ වාහන 51,613ක්ද අලු­තින් ලියා­ප­දිංචි කර තිබේ.

ත්‍රිරෝද රථ 10,945ක් සහ ද්විත්ව කාර්ය වාහන 2,169ක්ද මගී ප්‍රවා­හන බස් රථ 1,415ක්ද මාස 3ක කාලය තුළ අලු­තින් ලියා­ප­දිංචි කර ප්‍රවා­හ­න­යට එක් කර තිබේ. මීට අම­ත­රව, මේ වන විට වාහන අලෙ­වි­ස­ල්වල විශාල මෝටර් රථ සහ ද්විත්ව කාර්ය වාහන ගෙන්වා ඇති අතර විදුලි මෝටර් රථ සඳ­හාද විශාල ලෙස ඇණ­වුම් ලැබී තිබේ.

තාරක වික්‍ර­ම­සේ­කර