හම්බන්තොට වරායේ දේපළ තහනම් කිරීමේ රතු නිවේදන නියෝග නිකුත් කරයි..

 

හම්බ­න්තොට ජාත්‍ය­න්තර වරා­යෙන් වරි­ප­නම් බදු වශ­යෙන් හම්බ­න්තොට මහ නගර සභා­වට අය විය යුතු රුපි­යල් කෝටි 25කට වැඩි මුද­ලක් මෙතෙක් නොගෙ­වීම හේතු­වෙන් ජාත්‍ය­න්තර වරායේ දේපළ තහ­නම් කිරීමේ රතු නිවේ­දන නියෝග නිකුත් කර ඇති බවත්, එයට එරෙ­හිව හම්බ­න්තොට ජාත්‍ය­න්තර වරාය පාර්ශ්වය අභි­යා­ච­නා­ධි­ක­ර­ණයේ නඩු කට­යු­ත්තක් පවරා දේපළ තහ­නම් කිරී­මට එරෙ­හිව වාර­ණ­යක් ගෙන ඇති බවත් හම්බ­න්තොට මහ නගර සභාවේ නග­රා­ධි­පති ඩි.ඒ. ගාමිණි මහතා පැවති මහ සභා රැස්වි­මේදී කීය.

හම්බ­න්තොට ජාත්‍ය­න්තර වරායේ සේවා කට­යුතු චීන සමා­ගම මඟින් ආරම්භ කළ දා පටන් මහ නගර සභා­වට අය විය යුතු වරි­ප­නම් බදු මුදල් ගෙවිම සම්බ­න්ධ­යෙන් දිගින් දිග­ටම සාකච්ඡා කළ බවත් එක් අව­ස්ථා­ව­කදී යම් මුදල් ප්‍රමා­ණ­යක් ගෙවීම සිදු කළත් මේ වන විට දඩ පොලී සමඟ රුපි­යල් කෝටි 25කට අධික මුද­ලක් මහ නගර සභා­වට අය විය යුතුව ඇති බවත් නග­රා­ධි­ප­ති­ව­රයා පැව­සීය.

වරි­ප­නම් බදු පැහැර හැරීමේ දින­ව­ක­වානු යටතේ රතු නිවේ­දන යොමු­කර දේපළ තහ­නම් කිරී­මට නියෝග කර ඇත්තේ රුපි­යල් කෝටි 14ක මුද­ල­කට හෙයින් මහ නගර සභා ආඥා පන­ත ­ප්‍ර­කා­රව දේපළ තහ­නම් කිරී­මට අදාළ පිය­වර ගත් බව නග­රා­ධි­ප­ති­ව­රයා කීය.

ඉතිරි මුදල් ද මහ නගර සභා­වට අය විය යුතු බවත්, නග­රා­ධි­ප­ති­ව­රයා කීය. එසේ දේපළ තහ­නම් කිරී­මට පිය­වර ගැනී­මෙන් පසුව එයට විරෝ­ධය පළ කර­මින් හම්බ­න්තොට ජාත්‍ය­න්තර වරාය කළ­ම­නා­කා­රී­ත්වය විසින් මහ නගර සභා­වට එරෙ­හිව වාර­ණ­යක් ඉල්ලා අභි­යා­ච­නා­ධි­ක­ර­ණයේ නඩු­වක් පවරා ඇති බව ද ඔහු පැව­සීය.

වාණිජ වරා­යක් ලෙස තක්සේරු කිරීමේ ගැටලු පව­තින හෙයින් තක්සේ­රුව සංශෝ­ධ­නය කිරීම් සම්බ­න්ධ­යෙන් එම නඩුව විභාග කිරීම පසු­ගිය දිනක සිදු කළ බව ද නග­රා­ධි­ප­ති­ව­රයා වැඩි­දු­ර­ටත් කීය.

මහ නගර සභාවේ නීති අංශයේ උප­දෙස් මත, හා පළාත් පාලන කොම­සා­රි­ස්ව­ර­යාගේ දැනු­වත් කිරීම මත අභි­යා­ච­නා­ධි­ක­ර­ණ­යෙන් මහ නගර සභා­වට එරෙ­හිව පවරා ඇති නඩුව වෙනු­වෙන් නීතිඥ සමා­ග­මක් ඒ සඳහා පෙනී­සි­ටීම වෙනු­වෙන් නිතිඥ ගාස්තු ලෙස හම්බ­න්තොට මහ නගර සභා­වෙන් රුපි­යල් ලක්ෂ 10ක මුද­ලක් එම නීතිඥ සමා­ග­මට ගෙවී­මට සිදු වූ බව ද නග­රා­ධි­ප­ති­ව­රයා සභා­වට කරුණු දක්ව­මින් කීය.

– සනත් ගමගේ