අද වන විට ජාතික ජන බලවේගය නැමති පුළුල් පෙරමුණේ ශක්තිය ක්රමයෙන් හීන වෙමින් පවතින අතර, ඒ තුළ ජනතා විමුක්ති පෙරමුණේ ශක්තිය තහවුරු වෙමින් පවතින බව ආචාර්ය නිර්මාල් රංජිත් දේවසිරි මහතා පවසයි.
මාධ්ය හමුවක් අමතමින් ඔහු අවධාරණය කළේ වර්තමාන ආණ්ඩුව ඉතා ශීඝ්රයෙන් සාමාන්ය සම්ප්රදායික ආණ්ඩුවක ස්වරූපය ගනිමින් පවතින බවයි.
ආණ්ඩුකරණය යනු ලේසි පහසු කටයුත්තක් නොවන බවත්, වර්තමාන පාලනය එය අභියෝගයක් ලෙස භාර ගන්නවා වෙනුවට ඉතා සුළුවෙන් තක්සේරු කරමින් සිටින බවත් දේවසිරි මහතා පෙන්වා දෙයි.
විශේෂයෙන්ම ආගමික හා ආර්ථික කටයුතු සම්බන්ධයෙන් ගන්නා තීරණ දෙස බලන විට, පවතින ප්රතිගාමී බලවේග සමඟ ආණ්ඩුව එක් වෙමින් පවතින තත්ත්වයක් දක්නට ලැබෙන බව ඔහු සඳහන් කළේය.
තවදුරටත් අදහස් දැක්වූ ඒ මහතා පවසා සිටියේ, ජනතාව ලබාදුන් ජනවරමේ බැරෑරුම්කම පිළිබඳව ආණ්ඩුව නිසි අවධානයක් යොමු නොකරන බවයි.
ආණ්ඩුවේ යම් ආපසු හැරීමක් දක්නට ලැබෙන අතර, එය පවතින සාම්ප්රදායික දේශපාලන රාමුවටම කොටු වෙමින් පවතින බවට ඔහු චෝදනා කරයි.
මෙම තත්ත්වය හමුවේ ආණ්ඩුව සහ විපක්ෂය අතරමැද නව විකල්ප කතිකාවක අවශ්යතාවයක් පවතින බව ආචාර්යවරයා අවධාරණය කරයි.
ආණ්ඩුවේ ගමන් මග පිළිබඳව විවේචනාත්මකව බැලීම සහ නව දේශපාලන මාවතක් වෙනුවෙන් වැඩ කිරීම හැර වෙනත් විකල්පයක් නොමැති බව ඔහු වැඩිදුරටත් ප්රකාශ කළේය
♥️ දුන්නු ඡන්දය ගැන හැමදාමත් ආඩම්බරයි
ReplyDeletebappa marala punchi badaganin thava adambara hithei,,,, jeppo ehemai apitath balan iddi adambaraiiiiii
ReplyDelete