සුරේෂ් සලේට හෘදයාබාදයක්..

 පාස්කු ඉරිදා ත්‍රස්ත ප්‍රහාරය සම්බන්ධයෙන් රැඳවුම් නියෝග මත අපරාධ පරීක්ෂණ දෙපාර්තමේන්තුව භාරයේ පසුවන ජාතික බුද්ධි සේවයේ හිටපු ප්‍රධානී, විශ්‍රාමික මේජර් ජෙනරාල් සුරේෂ් සලේ මහතා කොළඹ ජාතික රෝහලේ හෘද රෝග ඒකකය වෙත ඇතුළත් කර තිබේ.

ඔහු විසින් රඳවා තබා ගැනීමට එරෙහිව ආරම්භ කරන ලද උපවාස ව්‍යාපාරයක් හේතුවෙන් මීට පෙර කොළඹ ජාතික රෝහල වෙත ඇතුළත් කිරීමට පියවර ගෙන තිබුණි.

රෝහල්ගත කිරීමෙන් පසුව ද ඔහු සිය උපවාසය අත්හැර නොමැති අතර, එම තත්ත්වය මත පසුවෙද්දී ඔහු හදිසි හෘදයාබාධයකට ලක්ව ඇති බව පවුලේ ආරංචි මාර්ග තහවුරු කරයි.

මේ වන විට ඇතිව තිබෙන සංකූලතා සලකා බලමින් ඔහුව හෘද රෝග අංශය වෙත මාරු කර යවා ඇති අතර, විශේෂඥ වෛද්‍යවරුන්ගේ දැඩි අධීක්ෂණය යටතේ අවශ්‍ය ප්‍රතිකාර කටයුතු සිදු කෙරෙමින් පවතියි.