හෝමුස් සමුද්ර සන්ධිය සියලුම මුහුදු ගමනාගමන කටයුතු සඳහා වසා දැමීමට පියවර ගත් බව ඉරාන මධ්යම යුද අණදෙන මූලස්ථානය නිල වශයෙන් ප්රකාශයට පත් කර තිබේ.
ඇමෙරිකා එක්සත් ජනපදය සහ ඊශ්රායලය විසින් ටෙහෙරාන් සහ වොෂින්ටනය අතර ඇති කරගත් අවබෝධතා ගිවිසුම උල්ලංඝනය කිරීම හේතුවෙන් සිකුරාදා (19) මධ්යම රාත්රියේ සිට මෙම පියවර ගත් බව ඉරානය පවසයි.
විශේෂ නිවේදනයක් නිකුත් කරමින් ඉරානයේ ‘ඛාතම් අල්-අන්බියා’ මධ්යම යුද මූලස්ථානය සඳහන් කළේ, යුද්ධයෙන් පසු ඇමෙරිකාව සමඟ ඇති කරගත් අවබෝධතා ගිවිසුමේ පළමු වගන්තිය ඇමෙරිකා එක්සත් ජනපදය විසින් සෘජුවම උල්ලංඝනය කිරීම සහ දකුණු ලෙබනනයේ ක්රියාත්මක සටන් විරාම ගිවිසුම ඊශ්රායල සයන්වාදී පාලනය විසින් දිගින් දිගටම කඩ කිරීම හේතුවෙන් මෙම දැඩි තීරණය ගැනීමට සිදු වූ බවයි.
තමන් දුන් පොරොන්දු කඩ කරන ආගම් විරෝධී බලවේගයන්ට එරෙහිව සටන් කිරීමේ අවශ්යතාව පැහැදිලි කරන කුරාන වැකියක් ද මෙම නිවේදනය ආරම්භයට ඇතුළත් කර තිබීම සුවිශේෂී වේ.
දකුණු ලෙබනනයේ ක්රියාත්මක හිස්බුල්ලා ප්රතිරෝධී ව්යාපාරය සමඟ එළඹ තිබූ සටන් විරාම ගිවිසුම ඊශ්රායලය විසින් අඛණ්ඩව උල්ලංඝනය කරමින් සිටින බවත්, එම ප්රහාර හේතුවෙන් දකුණු ලෙබනනයේ සිය දහස් සංඛ්යාත සිවිල් වැසියන් අවතැන් වී ඝාතනයට ලක්ව ඇති බවත් ඉරාන ආරක්ෂක අංශ පෙන්වා දෙයි. එසේම ඊශ්රායල හමුදා එම ප්රදේශවලින් ඉවත් කර ගැනීමට ද ඔවුන් අපොහොසත් වී ඇතැයි ඉරානය චෝදනා කරයි.
ඉරාන යුද අණදෙන මූලස්ථානය අවධාරණය කරන්නේ, හෝමුස් සමුද්ර සන්ධිය වසා දැමීම ඇමෙරිකාව සහ එහි මිත්ර පාර්ශවයන් සිදු කළ ගිවිසුම් කඩ කිරීමට එරෙහිව ගත් පළමු පියවර පමණක් වන අතර, සතුරා ලවා එම පොරොන්දු ඉටු කරවා ගැනීම සඳහා ඉදිරියේදී තවදුරටත් දැඩි පියවර ගන්නා බවයි.
පසුගිය පෙබරවාරි අග භාගයේදී ඉරානයට එරෙහිව ඇමෙරිකාව සහ ඊශ්රායලය ආරම්භ කළ ආක්රමණශීලී යුද්ධය ස්ථිරවම අවසන් කිරීමේ අරමුණින්, පසුගිය බදාදා (17) අලුයම දෙරටේ ජනාධිපතිවරුන් විසින් මෙම ඉරාන-ඇමෙරිකා අවබෝධතා ගිවිසුමට අත්සන් තබා තිබුණි. අප්රේල් මුලදී ඇති කරගත් සටන් විරාමයකින් පසුව මෙම ගිවිසුම සකස් විය.
වගන්ති 14කින් සමන්විත එම අවබෝධතා ගිවිසුමට අනුව, ඇමෙරිකාව සහ එහි මිත්ර රටවල් ඉරානයට සහ එහි කලාපීය මිත්ර පාර්ශවයන්ට එරෙහි ආක්රමණ සම්පූර්ණයෙන්ම නතර කරන්නේ නම්, ගෝලීය බලශක්ති ප්රවාහයේ තීරණාත්මක සන්ධිස්ථානයක් වන හෝමුස් සමුද්ර සන්ධිය නැවත විවෘත කිරීමට ඉරානය එකඟ වී තිබුණි.
කෙසේ වෙතත්, එම එකඟතා බිඳ වැටීමත් සමඟ මැදපෙරදිග කලාපය තුළ මෙන්ම ගෝලීය තෙල් වෙළඳපොළ තුළ ද යළිත් දැඩි අර්බුදකාරී තත්ත්වයක් නිර්මාණය වීමේ අවදානමක් මතුව ඇත.
Honda welawata ape thel mila adu kale naththe. Bohoma duradarshi kriyawak.
ReplyDeleteWe should avoid doing business with the USA.
ReplyDeleteWE CAN USE CHINESE STUFF FOR CHEAPER PRICE