දුම්රිය එන්ජින් මෙහෙයුම් ඉංජිනේරුවන්ගේ සංගමය (LOEU) අද (17) මධ්යම රාත්රියේ සිට ක්රියාත්මක වන පරිදි වෘත්තීය සමිති ක්රියාමාර්ගයක් ආරම්භ කරන බව නිවේදනය කර ඇත.
හමුදා නිලධාරීන් කණ්ඩායමකට දුම්රිය රියදුරු පුහුණුව ලබා දීමට රජය ගෙන ඇති තීරණයට විරෝධය පළ කරමින් මෙම වැඩ වර්ජනය දියත් කරන බව එම සංගමයේ ලේකම් ඩී.සී. එදිරිසිංහ මහතා ප්රකාශ කළේය.
අලුතින් බඳවාගත් දුම්රිය රියදුරන් සම්බන්ධයෙන් මෑතකදී පැවැති සාකච්ඡාවකදී මෙම තීරණය පිළිබඳව කරුණු අනාවරණය වී තිබේ.
දුම්රිය රියදුරු පුහුණු වැඩසටහන සඳහා හමුදා නිලධාරීන් සම්බන්ධ කර ගැනීමට රජය ගත් තීරණයට සංගමය දැඩි විරෝධය පළ කරන බවත්, ඊට එරෙහිව මෙම වෘත්තීය සමිති ක්රියාමාර්ගයට එළඹෙන බවත් ලේකම්වරයා වැඩිදුරටත් අවධාරණය කළේය.
ඉස්සර ගියේ යුධ ටැංකි වල. ඉදිරියට යුද්දෙට යන්නේ කෝච්චියෙ
ReplyDeleteකොහොමද පුනරුදේ????