ඇමෙරිකාව, ඊශ්‍රාලය යුද්දය නවත්තන බවට තොරතුරු ලැබුනා..

 

ඛනිජ තෙල් සැපයුමේ අඛණ්ඩත්වය ලබන අගෝස්තු මාසය දක්වා සහතික කර ඇති බව කර්මාන්ත නියෝජ්‍ය අමාත්‍ය චතුරංග අබේසිංහ මහතා පවසයි.

මැදපෙරදිග කලාපයේ පවතින යුදමය වාතාවරණය හමුවේ වුවද, බලශක්ති සැපයුම සම්බන්ධයෙන් දැනට ගැටලුවක් පැන නොනගින බව ඒ මහතා සඳහන් කළේය.

ශ්‍රී ලංකාවේ බලශක්ති අවශ්‍යතාවය ප්‍රධාන වශයෙන් ආනයනික ඛනිජ තෙල් මත පදනම් වී ඇති බැවින්, ලෝක වෙළෙඳපොළේ තෙල් මිල ඉහළ යාම මෙරටට බලපෑමක් එල්ල කළ හැකි බව අමාත්‍යවරයා පෙන්වා දෙයි.

පවතින තත්ත්වය හමුවේ මැදපෙරදිග රටවලට සිදුකරන අපනයන කටයුතු වලටද යම් බලපෑමක් එල්ල වී ඇති අතර, ඉදිරි මාස දෙකක කාලය තුළ අපනයන ක්ෂේත්‍රයේ යම් අඩුවක් දැකිය හැකි බවට ඔහු අනාවැකි පළ කළේය.

කෙසේ වෙතත්, පවතින යුදමය වාතාවරණය පාලනය කිරීම සඳහා ඇමෙරිකාව සහ ඊශ්‍රාලය මැදිහත් වනු ඇති බවට තොරතුරු ලැබී ඇති බවත්, ඒ හරහා යුද්ධය නතර වනු ඇතැයි අපේක්ෂා කරන බවත් අබේසිංහ මහතා වැඩිදුරටත් ප්‍රකාශ කර සිටියේය