ඉරානය සම්බන්ධයෙන් පවතින ගැටුම්කාරී තත්ත්වයේදී රුසියාව මධ්යස්ථ නොවන බව බ්රිතාන්යයේ රුසියානු තානාපති Andrei Kelin මහතා පවසයි.
Sky News සමඟ පැවති සම්මුඛ සාකච්ඡාවකදී ඔහු අවධාරණය කළේ තම රට ඉරානයට සහාය දක්වන බවත්, ටෙහෙරානයට එරෙහිව ගනු ලබන ක්රියාමාර්ග සම්පූර්ණයෙන්ම අසාධාරණ බවත්ය.
මෙම සාකච්ඡාවේදී තානාපතිවරයා පෙන්වා දුන්නේ සෑම වරදකටම ඉරානයට දොස් පැවරීමේ බටහිර තර්කය රුසියාව පිළිනොගන්නා බවයි.
ඇමරිකා එක්සත් ජනපදය සහ ඊශ්රායලය ඉරානයට එරෙහිව ප්රහාර එල්ල කර ඇති බවත්, ඉරානය සිදු කරන්නේ එම ප්රහාරවලට ප්රතිචාර දැක්වීම පමණක් බවත් ඔහු සඳහන් කළේය.
ඉරානය රුසියාවෙන් මෙතෙක් කිසිදු යුධ ආධාරයක් ඉල්ලා නොමැති වුවද, ඉරානය එවැනි ඉල්ලීමක් කළහොත් ඒ පිළිබඳව රුසියාව ඉතා බැරෑරුම් ලෙස සලකා බලා අවශ්ය සහාය ලබා දීමට සූදානම් බව තානාපති කෙලින් වැඩිදුරටත් ප්රකාශ කළේය.
රුසියාව සහ ඉරානය අතර දිගුකාලීන ඓතිහාසික සබඳතා පවතින බවද ඔහු මෙහිදී සිහිපත් කළේය.
කෙසේ වෙතත්, කලාපයේ පවතින සියලුම ආක්රමණශීලී ක්රියාවන් වහාම නවත්වා, සාමකාමී, සාකච්ඡාමය සහ රාජ්යතාන්ත්රික විසඳුමකට එළඹීම වඩාත් සුදුසු බව රුසියාවේ ස්ථාවරය බව ඔහු පවසා සිටියේය.
පර්සියානු ගල්ෆ් කලාපයේ අනෙකුත් රටවල් සමඟද රුසියාවට යහපත් සබඳතා ඇති බැවින්, කලාපීය සාමය ආරක්ෂා කර ගැනීම වැදගත් බව ඔහු වැඩිදුරටත් පෙන්වා දුන්නේය.
දැන් මොන ජාතියෙ මිසයිලද ඉස්සෙල්ලාම ඉරානයට දෙන්නෙ
ReplyDeleteඇයි අහන්නෙ?
Delete