කොළඹ කොටස් ලොකු පල්ලමකට වැටේ...

 

සඳුදා දින ගනුදෙනු අවසානයේ කොළඹ කොටස් වෙළඳපොළේ ප්‍රධාන දර්ශකයන් කැපී පෙනෙන පහත වැටීමක් වාර්තා කළේය.

දිනය පුරා පැවති අස්ථාවරත්වය හමුවේ සමස්ත කොටස් මිල දර්ශකය (ASPI) සහ S&P SL20 දර්ශකය යන දෙකම රතු පැහැයෙන් ගනුදෙනු අවසන් කර ඇත.

සමස්ත කොටස් මිල දර්ශකය (ASPI) පෙර දිනට සාපේක්ෂව ඒකක 753.29 කින් (3.47% කින්) පහළ බැස ඒකක 20,939.26 ක් ලෙස සටහන් විය.

මෙරට ප්‍රමුඛතම සමාගම් 20 නියෝජනය කරන S&P SL20 දර්ශකය ද ඒකක 199.72 කින් (3.28% කින්) පහළ ගොස් ඒකක 5,884.93 ක් දක්වා අඩු විය.

දෛනික පිරිවැටුම රුපියල් බිලියන 6.59 ක් (රු. 6,590,812,359.05) ලෙස සටහන් විය. දවස පුරා ගනුදෙනු 58,173 ක් සිදු විය.හුවමාරු වූ මුළු කොටස් සංඛ්‍යාව 588,051,243 කි.

පෙරවරු 09:30 ට ගනුදෙනු ආරම්භ වූ මොහොතේ සිටම දර්ශකයන්ගේ වේගවත් පහළ යෑමක් දැකිය හැකි වූ අතර , පෙරවරු 10:30 වන විට වෙළඳපොළ සිය අවම අගයට පැමිණ තිබුණි. පස්වරුවේ සුළු යථා තත්ත්වයට පත්වීමක් පෙන්නුම් කළද, එය පෙර පැවති අගයන් කරා ළඟා වීමට ප්‍රමාණවත් නොවීය