ඇමෙරිකානු මධ්යම විධානය විසින් පනවන ලද දැඩි නාවික අවහිරතා සහ තර්ජන මධ්යයේ වුවද, ඉරාන වරායන්ගෙන් පිටත් වූ නෞකා කිහිපයක් සාර්ථකව හෝමූස් සමුද්ර සන්ධිය තරණය කර ඇති බව වාර්තා වේ.
මෙසේ ගමන් ගත් නෞකා අතර ලයිබීරියානු ධජය සහිත 'Christianna' නෞකාව සහ කොමරෝස් ධජය සහිත 'Elpis' ටැංකි නෞකාව ප්රධාන වේ.
'Christianna' නෞකාව බන්ඩාර් ඉමාම් කොමේනි වරායට බඩඉරිඟු ටොන් 74,000ක් ගොඩබෑමෙන් පසුව අප්රේල් 13 වනදා ලාරක් දූපත පසුකර ගොස් තිබේ.
'Elpis' නෞකාව මෙතනෝල් ටොන් 31,000ක් රැගෙන බුෂෙහර් වරායෙන් පිටත්ව ඇති අතර, එය ද සාර්ථකව සමුද්ර සන්ධිය පසු කර ඇත.
මීට අමතරව චීනයට අයත් 'Rich Starry' නෞකාව ද ඉරානය අනුමත කළ ආරක්ෂිත මාර්ගයක් ඔස්සේ ගමන් කර ඇති බව දත්ත වාර්තා පෙන්වා දෙයි.
ඩොනල්ඩ් ට්රම්ප්ගේ පරිපාලනය විසින් පර්සියානු ගල්ෆ් සහ ඕමාන් මුහුදේ ඉරාන වරායන් වෙත පිවිසෙන සහ පිටවන සියලුම නෞකා ඉලක්ක කර ගනිමින් මෙම නාවික අවහිරය ප්රකාශයට පත් කළේය.
මෙම පියවර ඉරානයේ ස්වෛරීභාවය සහ භෞමික අඛණ්ඩතාව උල්ලංඝනය කිරීමක් ලෙස ඉරානය දැඩි ලෙස හෙළා දැක ඇත.
ඉරාන විප්ලවීය ආරක්ෂක බලකාය (IRGC) අනතුරු අඟවා ඇත්තේ ඕනෑම විදේශීය හමුදා නෞකාවක් හෝමූස් සමුද්ර සන්ධියට පැමිණීම, පසුගිය සතියේ ඇති කරගත් සටන් විරාමය උල්ලංඝනය කිරීමක් ලෙස සලකන බවයි.
ඉරාන වරායන් වෙත යම් හෙයකින් ප්රහාරයක් එල්ල වුවහොත් පුළුල් කලාපීය ප්රතිචාරයක් දක්වන බවට ද ඉරාන හමුදා විධානය අනතුරු ඇඟවීමක් කර තිබේ.
මෙම උණුසුම් තත්ත්වය හේතුවෙන් ලෝක ආර්ථිකය දැඩි අවදමනක අවදානමට ලක්විය හැකි බව ජාත්යන්තර මූල්ය අරමුදල (IMF) ප්රකාශ කර ඇත.
මේ අතර, රතු මුහුදේ සිදුවිය හැකි බාධාවන් පිළිබඳව බියෙන් පසුවන සවුදි අරාබිය ද, මෙම නාවික අවහිරය ඉවත් කරන ලෙස ඇමෙරිකාවට බලපෑම් කරමින් සිටින බව වාර්තා වේ
විමල් ට සිංහල බෞද්ධ ඡන්ද එපා ලු අන්තවාදී න් ගේ ඡන්ද තමයි ලු ඕන
ReplyDelete