‘යූ ටියුබ් සුදා’ බුදු දහමටත්, පිරිවෙන් පද්ධතියටත් අපහාස කරලා..- පොලිස්පතිකට පැමිණිල්ලක්

 සයිබර් මාධ්‍ය යොදාගෙන මාර්ගගත ක්‍රම ඔස්සේ සැලසුම් සහගතව බුදුරජාණන් වහන්සේට බුදු දහමට හා මහා සංඝයා වහන්සේට අපහාස කිරීම සහ එමගින් බෞද්ධ මහා ජනතාව අතර සිත් රිදවීම් වෛරය සහ අසහනය ඇති කිරීම සඳහා පෙළඹවීම් කිරීම මගින් සිදුකරන අපරාධ වලට එරෙහිව නීතිය ක්‍රියාත්මක කරන ලෙස දේශහිතෛෂී ජාතික ව්‍යාපාරය පොලිස්පතිවරයා වෙත ලිපියක් යොමු කරමින් ඉල්ලා ඇත.

මුහුණු පොත, වට්සැප් හා යූටියුබ් වැනි සමාජ මාධ්‍ය යොදාගෙන මාර්ගගත ක්‍රම ඔස්සේ බුදු දහම, මහා සංඝයා වහන්සේ, බෞද්ධ සිද්ධස්ථාන සහ බෞද්ධ ඇදහිලි හා විශ්වාසයන් අවඥාවට සහ හාස්‍යයට ලක් කරන, ඒවාට පහර දෙන, බෞද්ධ ජනතාව අතර වෛරය හා අසහනය පතුරවන, දහමට මහා සංඝයා වහන්සේට පහර දෙන ලෙස සහ ගරු සත්කාර කිරීමෙන් වලකීන ලෙස ජනතාව පොළඹවන ප්‍රකාශයන් හා රූපරාමු පළ කිරීම ඓතිහාසිකව ක්‍රමාණුකූලව වැඩි වෙමින් පවතින අතර මේ වන විට උච්ජතම අවස්ථාවකට ළඟා වී ඇතැයිද ලිපියේ දැක්වෙයි. 

සුදත්ත තිලකසිරි හෙවත් සුදා ලෙස හඳුන්වන යූටියුබ් මාධ්‍යකරු විසින් ශ්‍රී ලංකාවේ පිරිවෙන් පද්ධතියට එරෙහිව විශේෂයෙන්ම ශ්‍රී ලංකාවේ ඓතිහාසික බෞද්ධ අධ්‍යාපන ආයතනයක් ලෙස සැලකෙන පැපිලියාන සුනේත්‍රා මහාදේවී මහ පිරිවෙනට සහ එම පිරිවෙනේ පරිවේනාධිපති ලෙස කටයුතු කරන මහාචාර්ය පූජ්‍ය මැදගොඩ අභයතිස්ස හිමිපාණන් වහන්සේට අගෞරව කිරීම සම්බන්දව දේශහිතෛෂී ජාතික ව්‍යාපාරයේ  මහ ලේකම්  වෛද්‍ය වසන්ත බණ්ඩාර මහතා  පොලිස්පතිතුමා වෙත යොමු කර ඇති ලිපිය මෙහෙි දැක්වෙයි.