මැදපෙරදිග කලාපයේ උද්ගතව ඇති නොසන්සුන්කාරී වාතාවරණය සහ ඒ හේතුවෙන් ඉහළ යන ඉන්ධන මිල හමුවේ මෙරට ආර්ථික ක්‍රියාකාරකම් අඩාල වෙමින්, පසුගිය වසර දෙකට සාපේක්ෂව මෙම වසරේ ශ්‍රී ලංකාවේ ආර්ථික වර්ධනය මන්දගාමී වීමේ ප්‍රවණතාවක් මතුව ඇතැයි වාර්තා වේ.
2022 වසරේදී මුහුණ දුන් පෙර නොවූ විරූ ආර්ථික අර්බුදයෙන් පසු යථා තත්ත්වයට පත්වෙමින් තිබූ ශ්‍රී ලංකා ආර්ථිකය, ඊට පෙර වසරේ පැවති ආර්ථික සංකෝචනයෙන් මිදී 2023 සහ 2024 වසර දෙකේදීම සියයට 5 බැගින් වූ ආර්ථික වර්ධනයක් වාර්තා කිරීමට සමත් විය.
එහෙත්, වත්මන් මැදපෙරදිග අර්බුදයේ ඍජු බලපෑම හේතුවෙන් මෙරට ආර්ථික වර්ධන වේගය මෙවර පහත වැටෙනු ඇතැයි අපේක්ෂා කෙරේ.
එහි මූලික ලක්ෂණයක් ලෙස, මෙම වසරේ දෙවන කාර්තුවේදී මෙරට ආර්ථික වර්ධනය සියයට 4.2 ක් දක්වා පහත වැටී ඇති අතර, එය පසුගිය කාර්තු අටක කාලය තුළ වාර්තා වූ අවම වර්ධන අගය ලෙස සටහන් වේ.
කෙසේවෙතත්, වසරේ දෙවන භාගය ද ඇතුළුව සමස්තයක් ලෙස මෙම වසරේ ආර්ථික වර්ධන වේගය සියයට 4 ඉක්මවනු ඇතැයි ශ්‍රී ලංකා මහ බැංකු අධිපති ආචාර්ය නන්දලාල් වීරසිංහ මහතා පවසයි.
මාධ්‍ය හමුවකට එක්වෙමින් මහ බැංකු අධිපතිවරයා සඳහන් කළේ, "මේ මොහොතේ නිශ්චිත අගයක් ප්‍රකාශ කිරීම කල් වැඩි වුවත්, පවතින ආර්ථික ක්‍රියාකාරකම් සහ දර්ශකවලට අනුව වසරේ දෙවන අඩ තුළ, එනම් ඉදිරි කාර්තු දෙකේදී වර්ධනය සියයට 4 ට වඩා ඉහළ මට්ටමක පවතිනු ඇතැයි අපේක්ෂා කරනවා. වසරේ අර්ධ දෙකෙහිදීම වර්ධනය සියයට 4 ඉක්මවනු ඇතැයි පෙනෙන්නට තිබුණද, සමස්ත වාර්ෂික පුරෝකථනය අප තවමත් අවසන් කර නැහැ ඒ දෙස ඉදිරියේදී විමසා බැලිය යුතුයි," යනුවෙනි.
මෙම වසර සඳහා වන මහ බැංකු ප්‍රතිපත්ති න්‍යාය පත්‍රය පසුගිය ජනවාරි මාසයේදී ප්‍රකාශයට පත් කරමින් ආචාර්ය වීරසිංහ මහතා සඳහන් කර තිබුණේ ශ්‍රී ලංකාවේ ආර්ථික වර්ධනය සියයට 4 ත් 5 ත් අතර අගයක පවතිනු ඇති බවයි.
මේ අතර, මුදල් ප්‍රතිපත්ති දැඩි කිරීම සහ භාණ්ඩ මිල ඉහළ යාම හේතුවෙන් පරිභෝජනය පහත වැටී තිබියදීත්, මෙම වසරේදී සියයට 5 ක ආර්ථික වර්ධනයක් අත්කර ගැනීමට ශ්‍රී ලංකාව තවමත් බලාපොරොත්තු වන බව නියෝජ්‍ය මුදල් අමාත්‍ය අනිල් ජයන්ත ප්‍රනාන්දු මහතා පසුගිය ජුනි මාසයේදී ප්‍රකාශ කර තිබිණි.
රජයේ එම පුරෝකථනය පිළිබඳව අදහස් දක්වමින් මහ බැංකු අධිපතිවරයා කියා සිටියේ, "රජයේ පුරෝකථනය රජය සතු තීරණයක්. ඒ පිළිබඳව අප අදහස් දැක්වීම සුදුසු නැහැ. ජාත්‍යන්තර මූල්‍ය අරමුදල පුරෝකථනය කර ඇත්තේ සියයට 3.5 ක අගයක්. රජය එක් මතයක සිටින අතර, ලෝක බැංකුව සහ ආසියානු සංවර්ධන බැංකුව ද තවත් පුරෝකථන ඉදිරිපත් කර තිබෙනවා. ඒ සියල්ල ඔවුන්ගේම උපකල්පන මත පදනම් වූ ඒවායි. අපට අදහස් දැක්විය හැක්කේ අපගේ පුරෝකථන සම්බන්ධයෙන් පමණයි," යනුවෙනි.
Sri Lanka's Economic Growth Set to Slow Amid Global Turmoil and Rising Fuel Prices
The political and environmental turbulence in the Middle East, coupled with escalating fuel prices, is casting a shadow over Sri Lanka's economic activities. Reports indicate that the country's economic growth is trending sluggishly compared to the previous two years.
After grappling with an unprecedented economic crisis in 2022, Sri Lanka is in the process of recovery. The economy, which had contracted the previous year, has shown promise with predictions of a 5% growth for both 2023 and 2024.
However, the ongoing instability in the region is expected to exert downward pressure on this growth rate. Key indicators suggest that, during the second quarter of this year, economic growth has dipped to 4.2%, marking the lowest growth figure reported over the past eight quarters.
Despite this, Dr. Nandalal Weerasinghe, the Governor of the Central Bank of Sri Lanka, expressed confidence that the overall growth for the year would surpass 4%. In a recent media briefing, he noted, “While it may be premature to declare a precise figure, based on current economic activities and indicators, we expect the growth trajectory in the latter half of the year to remain above 4%.” He added that although the growth in the first half seemed poised to exceed 4%, further evaluations would be necessary to finalize the annual forecast.
Earlier this year, the Central Bank published its policy framework, in which Governor Weerasinghe indicated an anticipated economic growth range of 4% to 5% for Sri Lanka.
Furthermore, while consumption has decreased due to stringent monetary policies and rising commodity prices, Deputy Finance Minister Anil Jayatissa Perera stated in June that the country is still hopeful of achieving a 5% economic growth this year.
Commenting on the government’s projections, the Central Bank Governor noted, “The government’s forecast reflects their own assessments. For us, the International Monetary Fund has projected a growth rate of 3.5%. The government is unified in their outlook, while the World Bank and the Asian Development Bank have also provided their projections based on their assessments. Our comments will focus solely on our forecasts.”
*Note: In case of any discrepancy between the Sinhala and English versions, the Sinhala version shall prevail.
එහෙම වෙන්නේ කොහොමද...??? ඇමෙරිකාවට කිඹුහුමක් ගියොත් ලංකාවට නිව්මෝනියාව හැදෙන්න දෙන්න බෑ කියල පත් කරගත්ත අපේ කයිතන් උතුමාණන් ඉන්නකන්. අනෙක ඊයේ පෙරේද ලොකු කය්යකුත් දැම්ම නේද මිනිස්සු සතුටින් කියල.
ReplyDeleteබොරු කියන්න එපා. බිග් කුච්චන්ල, කප්පන් වපරය වගේ උන්ගෙ ආර්තික වර්දන වේගෙ 5000% වගේ උඩ අගයක තියෙන්නෙ.
ReplyDeleteකමක් නෑ. බුද්ධ සාසනය විනාස වෙනවනේ.
ReplyDeleteඒකම ඇති.
මුන්ගෙ ආර්ථික ප්‍රතිපත්තියට අනුව අධික ලෙස බදු පටවලා රට තුල සහ රටට පිටින් සිදූවන ආයොජන දුර්වල කිරීම, අදූරදර්ශී ලෙස වාහන ආනයනයට ඉඩදී ඩොලර් බිලියන ගණනක් පිටට යවා රුපියල් බදු රැස්කර, අනාගත ඒකාධිපති වියරුවක පෙරනිමිති පෙන්වා ආයොජකයින් බියකර මෙයට වඩා ප්‍රතිපලයක් බලාපොරොත්තු විය හැකිද
ReplyDelete