අවිධිමත් රාජ්‍ය තාන්ත්‍රික විදේශ ගමන් බලපත්‍රයක් සන්තකයේ තබා ගැනීමේ චෝදනාවට වරදකාරිය වී සිරදඬුවම් නියම වූ ශෂී වීරවංශ මහත්මියට අදාළ දඬුවම් නියම කිරීම පිළිබඳ නඩුව ලබන 26 වනදා තෙක් කල් තැබීමට කොළඹ ප්‍රධාන මහේස්ත්‍රාත් අසංග එස්. බෝදරගම මහතා අද (12) නියෝග කළේය.
අසත්‍ය තොරතුරු ඉදිරිපත් කර රාජ්‍ය තාන්ත්‍රික විදේශ ගමන් බලපත්‍රයක් ලබා ගැනීම සම්බන්ධයෙන් වරදකාරිය කෙරුණු ශෂී වීරවංශ මහත්මියට කොළඹ මහේස්ත්‍රාත් අධිකරණය මඟින් ඉකුත් 2022 වසරේ මැයි මස 27 වන දින වසර දෙකක සිරදඬුවමක් සහ රුපියල් ලක්ෂයක දඩයක් නියම කර තිබිණි.
එම දඩ මුදල නොගෙවන්නේ නම් තවත් මාස හයක සිරදඬුවමක්ද නියම වූ අතර, මහේස්ත්‍රාත් අධිකරණය ලබා දුන් එම තීන්දුව 2026 ජූනි මස 11 වන දින කොළඹ මහාධිකරණය මඟින්ද තහවුරු කරනු ලැබීය.
මහාධිකරණ තීන්දුවට එරෙහිව විත්තිකාරිය විසින් ශ්‍රේෂ්ඨාධිකරණය හමුවේ ඇපෑලක් ගොනු කර ඇති අතර, එම ඇපෑලට අදාළ නඩුව අද (12) දින ශ්‍රේෂ්ඨාධිකරණයේදී විභාගයට ගන්නා බැවින් වෙනත් දිනයක් ලබා දෙන ලෙස ඇය වෙනුවෙන් පෙනී සිටි නීතිඥවරයා මහේස්ත්‍රාත් අධිකරණයෙන් ඉල්ලා සිටියේය.
ඉදිරිපත් වූ කරුණු සලකා බැලූ ප්‍රධාන මහේස්ත්‍රාත්වරයා, අදාළ නඩුව ලබන 26 වන දින දක්වා කල් තැබීමට නියෝග කළ අතර, ශ්‍රේෂ්ඨාධිකරණය හමුවේ විභාග වන අදාළ නඩු කටයුත්තට අදාළ කාර්ය සටහන් වාර්තා එදිනට අධිකරණය හමුවට ඉදිරිපත් කරන ලෙසද විත්ති පාර්ශ්වයට නියෝග කළේය.
Date Set for Hearing in Shashi Weerawansa's Passport Case
Colombo's Chief Magistrate Asanga S. Bodaragama has postponed the sentencing of Shashi Weerawansa until the 26th of this month, amid allegations of possessing an irregular state diplomatic passport.
Weerawansa previously received a two-year prison sentence and a fine of one million rupees from the Colombo Magistrate's Court on May 27, 2022, for providing false information to obtain the state diplomatic passport.
If she fails to pay the imposed fine, she faces an additional six-month prison term. This verdict was upheld by the Colombo High Court on June 11, 2026.
Challenging the High Court's decision, Weerawansa's lawyer submitted an appeal to the Supreme Court. The case was examined today; thus, the attorney requested a new date from the Magistrate's Court on behalf of their client.
Taking the arguments into consideration, the Chief Magistrate agreed to postpone the hearing until the 26th and instructed the defense to submit any relevant records pertaining to the case to the court by that date.
*Note: In case of any discrepancy between the Sinhala and English versions, the Sinhala version shall prevail.
