බන්ඩාර් අබ්බාස් වරායට ඉහළ අහසේදී අමෙරිකානු හමුදාවට අයත් 'ලූකස්' වර්ගයේ නියමුවන් රහිත ඩ්‍රෝන යානයක් සාර්ථකව බිමහෙළීමට තම හමුදා ගුවන් ආරක්ෂක අංශ සමත් වූ බව ඉරානය නිවේදනය කළේය. ඉරාන 'තස්නිම්' පුවත් ඒජන්සිය මේ බව වාර්තා කරයි.
ඒකාබද්ධ ගුවන් ආරක්ෂක ජාලය යටතේ ක්‍රියාත්මක වන ඉරාන යුද හමුදාවේ ගුවන් ආරක්ෂක පද්ධති මඟින් එල්ල කරන ලද ප්‍රහාරයකින් අදාළ අමෙරිකානු ඩ්‍රෝන යානය විනාශ වී ඇති බව ඉරාන හමුදාව නිකුත් කළ නිවේදනයක දැක්වේ.
ඉස්ලාමීය විප්ලවීය ආරක්ෂක බලකායේ ගුවන් අභ්‍යවකාශ බලකායේ අණදෙන නිලධාරී බ්‍රිගේඩියර් ජනරාල් මජිඩ් මූසාවි පසුගිය සැප්තැම්බර් මාසයේදී ප්‍රකාශ කර තිබුණේ, අමෙරිකාව විසින් සිය 'ලූකස්' ඩ්‍රෝන යානය නිපදවා ඇත්තේ ඉරානය සතු 'ෂහීඩ්-136' ඩ්‍රෝන තාක්ෂණය අනුකරණය කරමින් බවයි.
ප්‍රහාරක, නිරීක්ෂණ හා ඔත්තු බැලීමේ මෙහෙයුම් සඳහා නිර්මාණය කර ඇති ෂහීඩ් පවුලේ ඩ්‍රෝන යානා ඉරානයේ ජාතික ආරක්ෂණ ක්‍රියාවලියේ ප්‍රධාන ශක්තියක් බව ද ඔහු එහිදී පෙන්වා දී තිබිණි.
හෝමූස් සමුද්‍ර සන්ධිය සහ පර්සියානු ගල්ෆ් කලාපය ආශ්‍රිතව අමෙරිකාව සහ ඉරානය අතර පවතින උණුසුම් යුදමය වාතාවරණය මධ්‍යයේ ඉරාන ගුවන් සීමාව ආක්‍රමණය කරන අමෙරිකානු ඔත්තු බැලීමේ සහ ප්‍රහාරක ඩ්‍රෝන යානා ගණනාවක් මීට පෙර ද ඉරාන ආරක්ෂක අංශ විසින් බිමහෙළා තිබේ.
හෝමූස් සමුද්‍ර සන්ධියට ඉහළින් අමෙරිකානු ඩ්‍රෝන යානා 50කට අධික සංඛ්‍යාවක් මෙලෙස බිමහෙළා ඇති බවට ඉරාන මාධ්‍ය මීට පෙර වාර්තා කර තිබූ අතර, නවතම සිදුවීමත් සමඟ දෙරට අතර පවතින ගැටුම්කාරී වාතාවරණය තවදුරටත් උග්‍ර අතට හැරෙනු ඇතැයි විශ්ලේෂකයෝ පෙන්වා දෙති.
Iran Claims Successful Downing of U.S. 'Lucas' Drone in the Persian Gulf
The Iranian military announced that its air defense forces successfully downed an unmanned American 'Lucas' drone over the Bandar Abbas area. The news was reported by Iran's Tasnim news agency.
According to an official statement from the Iranian military, the drone was destroyed during an operation conducted by Iran's unified air defense network.
Brigadier General Majid Mousavi, a senior officer in the Islamic Revolutionary Guard Corps' aerospace division, revealed in September that the U.S. developed its 'Lucas' drone technology by mimicking Iran's own 'Shahed-136' drone capabilities.
The 'Shahed' series of drones, designed for offensive, surveillance, and reconnaissance missions, serves as a key asset in Iran's national defense strategy, as highlighted by Mousavi.
The ongoing military tensions between the U.S. and Iran in the Strait of Hormuz and Persian Gulf have seen Iran's defense forces down multiple American surveillance and attack drones in recent incidents.
Iranian media previously reported that more than 50 U.S. drones had been brought down over the Strait of Hormuz, and analysts suggest that this latest incident is likely to escalate the already volatile situation between the two nations.
*Note: In case of any discrepancy between the Sinhala and English versions, the Sinhala version shall prevail.
