නිෂ්පාදන හා ප්‍රවාහන වියදම් ශීඝ්‍රයෙන් ඉහළ යාම, චීන මෝටර් රථ නිෂ්පාදකයන්ගෙන් එල්ල වන දැඩි තරගය සහ පාරිභෝගික මිලදී ගැනීමේ හැකියාව සීමා වීම හමුවේ, ලොව ප්‍රමුඛ පෙළේ සාම්ප්‍රදායික මෝටර් රථ නිෂ්පාදන සමාගම් 2027 වසර වන විට දැඩි ආර්ථික පසුබෑමකට මුහුණ දීමේ අවදානමක් මතු වී ඇති බව CNBC පුවත් සේවය වාර්තා කරයි.
මෝටර් රථ නිෂ්පාදනය සඳහා අවශ්‍ය අමුද්‍රව්‍ය, සැපයුම් ජාල සහ පරිගණක මතක චිප් සඳහා වන පිරිවැය සීඝ්‍රයෙන් ඉහළ ගියද, එම බර පාරිභෝගිකයන් වෙත පැටවීමට සමාගම්වලට ඇති හැකියාව මේ වන විට අවම මට්ටමකට පැමිණ ඇති බව මෝටර් රථ නිෂ්පාදකයෝ අනතුරු අඟවති.
GlobalData පර්යේෂණ ආයතනයේ පුරෝකථනයන්ට අනුව, 2027 වසරේදී ගෝලීය සැහැල්ලු වාහන නිෂ්පාදනය වාහන මිලියන 91.65ක් වැනි නොවෙනස් මට්ටමක පවතිනු ඇතැයි අපේක්ෂා කෙරේ. 2026 වසරේදීද නිෂ්පාදනය සියයට 2.1කින් පමණ පහත වැටී ඇති අතර, ලබන වසරේ වාර්තා වනු ඇතැයි ගණන් බලා ඇත්තේ සියයට 1කටත් වඩා අඩු මන්දගාමී වර්ධනයකි.
Barclays ආයතනය සඳහන් කරන්නේ, ඉහළ යන උද්ධමනය, අඛණ්ඩව එල්ල වන චීන නිෂ්පාදනවල පීඩනය සහ ඇමෙරිකානු පාරිභෝගිකයන්ගේ මූල්‍ය දුෂ්කරතා හේතුවෙන් ඉදිරි වසර කිහිපය මෝටර් රථ සමාගම්වල ඉපැයීම් වර්ධනය අතිශය සීමිත වන කාලපරිච්ඡේදයක් වනු ඇති බවයි.
ඇමෙරිකානු මෝටර් රථ දැවැන්තයකු වන ජෙනරල් මෝටර්ස් (GM) සමාගමේ ප්‍රධාන මූල්‍ය නිලධාරී පෝල් ජේකබ්සන් පෙන්වා දෙන්නේ, අමුද්‍රව්‍ය උද්ධමනය සහ නවීන වාහනවල තොරතුරු හා ආරක්ෂක පද්ධති සඳහා අත්‍යවශ්‍ය වන 'DRAM' පරිගණක චිප් මිල ඉහළ යාම හේතුවෙන් 2027 වසරේදී සමාගමට ඩොලර් බිලියන 2ක පමණ අමතර පාඩුවකට මුහුණ දීමට සිදුවිය හැකි බවයි.
කෙසේ වෙතත්, පාරිභෝගික ඉල්ලුම ස්ථාවරව පැවතුණහොත් 2027 වසර යහපත් එකක් වනු ඇතැයි GM පවසයි. අනෙක් ප්‍රධාන නිෂ්පාදකයා වන Ford Motor සමාගමද පවසන්නේ ලබන වසරේ සිය මූල්‍ය ප්‍රතිඵල වර්ධනයකින් තොරව පෙර පැවති මට්ටමේම පවතිනු ඇති බවයි.
යුරෝපය තුළ පවතින තත්ත්වය වඩාත් අර්බුදකාරී මුහුණුවරක් ගෙන තිබේ. ඇමෙරිකානු තීරුබදු, චීන නිෂ්පාදකයන්ගේ ආක්‍රමණය සහ ඉහළ යන නිෂ්පාදන පිරිවැය හමුවේ Volkswagen, Mercedes-Benz සහ BMW යන සමාගම් සිය 2026 ඉපැයීම් පුරෝකථන පහත හෙළා ඇත. BMW සමාගම සිය වියදම් පාලනය සඳහා හදිසි ප්‍රතිව්‍යුහගත කිරීම් ආරම්භ කර ඇති අතර, ක්‍රයිස්ලර් සමාගමේ මව් සමාගම වන Stellantis සමාගමද අඩු ලාභ ප්‍රතිශතයක් සහිතව මෙහෙයුම් කප්පාදු කරමින් සිටියි.
ආසියානු කලාපයේ දකුණු කොරියානු Hyundai Motor සමාගමද සිය 2026 වාර්ෂික තොග අලෙවි ඉලක්කය වාහන මිලියන 4.16 සිට මිලියන 4 දක්වා පහත දමා ඇත.
කෙසේ වෙතත්, මෙම සමස්ත අර්බුදයට මැදි නොවූ එකම සුවිශේෂී සමාගම බවට පත්ව ඇත්තේ ලොව විශාලතම මෝටර් රථ නිෂ්පාදකයා වන ජපානයේ Toyota Motor සමාගමයි. ජපන් යෙන් මුදලේ අගය පහත වැටීම සහ ඇමෙරිකාව තුළ හයිබ්‍රිඩ් රථ සඳහා පවතින අතිවිශාල ඉල්ලුම හේතුවෙන් සිය පූර්ණ වාර්ෂික මෙහෙයුම් ආදායම් පුරෝකථනය ජපන් යෙන් බිලියන 500කින් ඉහළ දැමීමට ටොයෝටා සමාගමට හැකි වී තිබේ.
වාහනයක් වෙනුවෙන් ගෙවිය යුතු සාමාන්‍ය මාසික වාරිකය ඩොලර් 776ක් දක්වා ඉහළ ගොස් ඇති අතර, මෙය 2023 දෙසැම්බරයෙන් පසු වාර්තා වූ ඉහළම අගයයි. මේ හේතුවෙන් පාරිභෝගිකයන් දැඩි මූල්‍ය පීඩනයකට ලක්ව ඇති බැවින්, මෝටර් රථ සමාගම්වලට තවදුරටත් වාහන මිල ඉහළ දැමීමේ හැකියාවක් නොමැති බවත්, එය ඉදිරියේදී සමාගම්වල ලාභාංශ ශීඝ්‍රයෙන් පහත වැටීමට හේතුවනු ඇති බවත් ආර්ථික විශේෂඥයෝ අනතුරු අඟවති.
Global Automotive Industry Faces Severe Economic Risks by 2027
The global automotive industry is bracing for significant challenges by 2027, as rising production and transportation costs, fierce competition from Chinese manufacturers, and constrained consumer purchasing power threaten its stability, as reported by CNBC.
Manufacturers are warning that despite soaring costs for essential raw materials, supply chains, and computer memory chips necessary for vehicle production, their ability to pass these expenses onto consumers has dwindled to minimal levels.
According to forecasts from GlobalData, global light vehicle production is expected to flatten out at approximately 91.65 million units in 2027. Production already dipped by 2.1% in 2026, with growth projected to remain sluggish at less than 1% in the coming year.
Barclays has assessed that escalating inflation, persistent pressure from Chinese productions, and financial hardships faced by American consumers will create a prolonged period of limited growth for car manufacturers over the next few years.
Nonetheless, GM is optimistic that if consumer demand remains stable, 2027 could be a favorable year. Similarly, Ford Motor Company also anticipates maintaining its financial performance at current levels, without any growth in their previous metrics.
The situation in Europe presents a particularly stark picture. American tariffs, aggressive expansion by Chinese manufacturers, and rising production costs have compelled Volkswagen, Mercedes-Benz, and BMW to revise their 2026 output forecasts downward. BMW has already initiated emergency restructuring measures to control costs, while Stellantis, the parent company of Chrysler, is making operational cuts amid declining profit margins.
In the Asia-Pacific region, South Korea's Hyundai Motor has similarly lowered its annual sales target for 2026 from 4.16 million vehicles to 4 million.
Amid these widespread challenges, Japan's Toyota Motor Company stands out as the only major automaker untouched by the crisis. The depreciation of the Japanese yen and enormous demand for hybrid vehicles in the U.S. have enabled Toyota to raise its full-year operational revenue forecast by over 500 billion yen.
The average monthly payment required for a vehicle has surged to $776, the highest level recorded since December 2023. This places significant financial strain on consumers, limiting the ability of car manufacturers to increase vehicle prices further, which experts warn could lead to a swift decline in profitability for these companies in the future.
*Note: In case of any discrepancy between the Sinhala and English versions, the Sinhala version shall prevail.
