බලවත්ම චීන නෞකාවක් ඉරානය වෙනුවෙන් ඔ්මාන මුහුදට... දශමස්ථානයට නිවැරදි ඉලක්ක ඉරාන මිසයිල හිස් වෙත..

 

ගල්ෆ් කලාපයේ යුද ගිනි ඇවිළෙමින් පවතින පසුබිමක, ඕමාන් වෙරළට ආසන්න ජාත්‍යන්තර මුහුදේ රැඳී සිටින චීනයේ 'Liaowang 1' බුද්ධි තොරතුරු නෞකාව ලෝක දේශපාලන හා යුද බලවතුන්ගේ දැඩි අවධානයට ලක්ව තිබේ.

බැලූ බැල්මට සාමාන්‍ය නෞකාවක් ලෙස පෙනුනද, එහි සවිකර ඇති දැවැන්ත රේඩාර් පද්ධති මඟින් කලාපයේ ක්‍රියාත්මක වන සියලුම යුද මෙහෙයුම්වල සංඥා හඹා යෑමේ හැකියාව පවතියි.

මෙම නෞකාව මඟින් ඇමරිකානු ප්‍රහාරක නෞකා කණ්ඩායම්, මිසයිල ආරක්ෂක පද්ධති, ප්‍රහාරක යානා සහ රේඩාර් පද්ධති මඟින් නිකුත් කරන විද්‍යුත් තරංග ග්‍රහණය කරගනු ලබයි.

විශේෂඥයන් පවසන්නේ මෙම දත්ත මඟින් මුළු යුද පිටියම එකම විද්‍යුත් සිතියමක් ලෙස නිරීක්ෂණය කිරීමට චීනයට හැකියාව ලැබෙන බවයි.

මෑතකදී ඉරානය විසින් එල්ල කරන ලද ප්‍රහාරවල ඉහළ නිරවද්‍යතාවය පිළිබඳව යුද විශේෂඥයින් මවිතයට පත්ව සිටිති.

විශේෂයෙන්ම ජෝර්දානයේ පිහිටි ඩොලර් මිලියන 300ක් වටිනා THAAD රේඩාර් පද්ධතියක් සහ බෑග්ඩෑඩ් හි ඇමරිකානු තානාපති කාර්යාලය ආසන්නයේ ඇති ඉලක්කයන් ඉතා නිවැරදිව හඳුනාගෙන ප්‍රහාර එල්ල කර තිබුණි. මේ සඳහා චීන සහ රුසියානු බුද්ධි තොරතුරු සහාය ලැබෙන බවට සැක පළ කෙරේ.

ඇමරිකානු හමුදා සැලසුම්කරුවන් මෙම නෞකාවේ ක්‍රියාකාරීත්වය පිළිබඳව දැනුවත්ව සිටියද, එය ජාත්‍යන්තර මුහුදේ නීත්‍යානුකූලව රැඳී සිටින බැවින් ඊට එරෙහිව ක්‍රියාමාර්ග ගත නොහැක.

එවැනි නෞකාවකට ප්‍රහාරයක් එල්ල කිරීම හෝ එය අත්පත් කර ගැනීම චීනය සහ ඇමරිකාව අතර සෘජු මහා පරිමාණ යුද්ධයක් කරා මග පෑදිය හැකි බැවින්, ඇමරිකාව දැඩි අපහසුතාවයකට පත්ව ඇත.

නූතන යුද්ධයකදී අවි බලයට වඩා තොරතුරු බලය වැදගත් වන අතර, 'Liaowang 1' නෞකාව නිහඬව සිටිමින් සිදුකරන මෙම මෙහෙයුම ගල්ෆ් යුද්ධයේ තීරණාත්මක සාධකයක් වනු ඇති බව විශ්ලේෂකයෝ පවසති