පාලන මිල කැලේ.. හොර ජාලයකින් කීරි සම්බා ගිනි ගානට වෙලදපලට..

 

කීරි සම්බා සහල් සඳහා උපරිම සිල්ලර මිලක් නියම කර තිබුණ ද, පෞද්ගලික ජාල සහ අවිධිමත් මාර්ග ඔස්සේ ඒවා අලෙවි කෙරෙන රහසිගත වෙළෙඳපොළක් රට තුළ නිර්මාණය වී ඇති බව පාර්ලිමේන්තුවට ඉදිරිපත් කළ රජයේ මුදල් පිළිබඳ කාරක සභා වාර්තාවෙන් හෙළි වී තිබේ.

එම වාර්තාවට අනුව, දේශීය කීරි සම්බා සහල් කිලෝග්‍රෑමයක උපරිම සිල්ලර මිල රුපියල් 260ක් ලෙස නියම කර ඇතත්, වත්මන් වෙළෙඳපොළේ එය රුපියල් 300 ඉක්මවූ ඉහළ මිල ගණන් යටතේ අලෙවි වෙමින් පවතී.

පවතින සහල් හිඟයට පිළියම් යෙදීමට කෘෂිකර්ම දෙපාර්තමේන්තුව සතු කීරි සම්බා වී මෙට්‍රික්ටොන් 19ක සංචිතය කිසිසේත්ම ප්‍රමාණවත් නොවන බව ද එහි පෙන්වා දී ඇත.

මේ අතර, පවතින හිඟය මඟහරවා ගැනීම සඳහා එක් ආනයනකරුවකුට කීරි සම්බා සහල් මෙට්‍රික්ටොන් 1040ක් දක්වා මෙරටට ගෙන්වීමට අවසර දී ඇති අතර, එම සියලුම සහල් තොග මේ මස 31 වැනිදා හෝ ඊට පෙර වරායෙන් නිදහස් කරගත යුතු බවට ද නියෝග කර තිබේ.